प्रभु इन्स्योरेन्सको ११ लाख कित्ता संस्थापक सेयर बिक्रीमा
काठमाडौं । प्रभु इन्स्योरेन्स लिमिटेडले ११ लाख कित्ता संस्थापक सेयर बिक्रीमा राखेको छ । कम्पनीका संस्थापक सेयरधनीले आफ्नो नाममा रहेको सेयर बिक्रीका लागि निवेदन दिएपछि कम्पनीले उक्त सेयर बिक्रीमा राखेको हो ।
कम्पनीको उक्त सेयरमा हाल कम्पनीकै विद्यमान संस्थापक सेयरधनीले मात्रै आवेदन दिन सक्नेछन् । उक्त सेयरमा ३५ दिन भित्र आवेदन दिनु पर्ने छ । उक्त समयावधिभित्र संस्थापक सेयरधनीले काठमाडौंको तिनकुनेस्थित केन्द्रीय कार्यालयमा सम्पर्क राखी सेयर खरीद गर्न निवेदन दिनु पर्नेछ ।
तोकिएको म्यादभित्र संस्थापक सेयरधनीबाट निवेदन प्राप्त हुन नआएमा वा सबै सेयर बिक्री नभएमा बाँकी रहन गएको सेयर सर्वसाधारणलाई बिक्री गर्न प्रक्रिया अघि बढाइने कम्पनीले स्पष्ट पारेको छ ।
