सेयर बजार घट्ने क्रम जारी, कारोबार रकम ५ अर्ब माथि
काठमाडौं । बिहीबार पनि सेयर बजार घटेर कारोबार भएको छ । अघिल्लो दिन पनि घटेको बजार आज पनि घटेर कारोबार भएको हो ।
आज सेयर बजार परिसूचक १७.०१ अंकले घटेर २७८७.१५ विन्दुमा पुगेको छ । यो साताको यो चौथो कारोबार दिन हो र सबै दिन सेयर बजार घटेर कारोबार भएको छ । आज सेयर बजारमा २१६ कम्पनीको सेयर मूल्य घटेको छ भने ४६ कम्पनीको सेयर मूल्य बढेको छ । त्यस्तै आज ७ कम्पनीको सेयर मूल्य स्थिर रहेको छ ।
त्यस्तै आज सेन्सेटिभ इन्डेक्स पनि २.९४ अंकले घटेर ४६८.२७ विन्दुमा पुगेको छ । आज १३ उपसूचकमध्ये ३ वटाको सेयर मूल्य बढेको छ भने १० वटाको बढेको छ । परिसूचक घटेको दिन बजारमा ५ अर्ब भन्दा केही बढेको कारोबार भएको छ ।
आज ३४८ कम्पनीका १ करोड १३ लाख ७५ हजार ६९९ कित्ता सेयर ९३ हजार ९०७ पटक खरिद बिक्री हुँदा ५ अर्ब ९ करोड ५९ लाख ५ हजार ७६७ रुपैयाँको कारोबार भएको छ । आज सेयर बजारमा २ कम्पनीको सेयर मूल्यमा सकारात्मक सर्किट लागेर कारोबार भएको छ ।
