सातामा सामान्य अंक बढ्यो नेप्से

काठमाडौं । यस साता नेप्से परिसूचक सामान्य अंक बढेर बन्द भएको छ। गत साता २८१५.०४ विन्दुमा बन्द भएको नेप्से, यस साता ०.१२ प्रतिशत अर्थात ३.३९ अंक बढेर २८१८.४३ विन्दुमा पुगेको छ।

यो साता सेयर बजार गत साताको भन्दा ०.१२ प्रतिशतले बढेको छ । गत साता २८१५ दशमलव ०४ विन्दुमा बन्द भएको सेयर बजार यो साता २८१८ दशमलव ४३ विन्दुमा पुगेको छ । यो साताको पहिलो कारोबार दिन आइतबार नेप्से उच्च अंक बढेर कारोबार भएको थियो । यस साता सेन्सेटिभ इण्डेक्स पनि ० दशमलव ७८ अंक बढेको छ भने फ्लोट इण्डेक्स ० दशमलव २८ अंक र सेन्सेटिभ फ्लोट इण्डेक्स ० दशमलव ३९ अंक बढेको छ । नेप्सेसँगै यस साता कारोबार रकम पनि बढेको छ । गत साता दैनिक औषतमा १० अर्ब ९८ करोडको सेयर खरिदबिक्री भएको बजारमा यो साता दैनिक औषतमा १२ अर्ब ५१ करोडको सेयर किनबेच भएको छ ।

गत साताको तुलनामा यस साताको दैनिक औषत कारोबार रकम १३.९० प्रतिशत बढेको हो । यस साता दैनिक औषत सेयर संख्या १९.६४ प्रतिशत बढेको छ भने दैनिक औषत कारोबार संख्या १३.२३ प्रतिशत बढेको छ । यस साता नेप्सेको कुल बजार पुँजीकरण ०.१२ प्रतिशत बढेको छ । गत साताको अन्तिम कारोबार दिन ४६ खर्ब ७४ अर्ब रुपैयाँ रहेको नेप्सेको कुल बजार पुँजीकरण यो साता ५ अर्ब रुपैयाँ बढेर ४६ खर्ब ७९ अर्ब रुपैयाँ पुगेको छ ।

यो साता १३ उपसमूहमध्ये ५ उपसमूहको परिसूचक बढेको छ भने ८ उपसमूहको परिसूचक घटेको छ । यस साता विकास बैंक उपसमूहको परिसूचक सर्वाधिक ३.१५ प्रतिशत बढेको छ । गत साता ५७३१ दशमलव ०७ विन्दुमा बन्द भएको सो उपसमूहको परिसूचक, यस साता १८० दशमलव ५४ अंक बढेर ५९११ दशमलव ६१ विन्दुमा पुगेको छ ।

अंकका आधारमा भने यस साता जीवन बीमा उपसमूहको परिसूचक सर्वाधिक २८१ दशमलव ४१ अंक बढेको छ । गत साता १३९५७ दशमलव ०१ विन्दुमा बन्द भएको यस उपसमूहको परिसूचक, यस साता २.०२ प्रतिशत बढेर १४२३८ दशमलव ४२ विन्दुमा पुगेको छ । यस साता लघुवित्त उपसमूहको परिसूचक सर्वाधिक १.३४ प्रतिशत घटेको छ । गत साता ५२७३ दशमलव ९७ विन्दुमा रहेको यस उपसमूहको परिसूचक, यस साता ७० दशमलव ५१ अंक घटेर ५२०३ दशमलव ४६ विन्दुमा झरेको छ ।