नेप्से परिसूचक राताम्य, कारोबार रकम ३ अर्बमा सिमित
काठमाडौं । सेयर कारोबार हुने साताको पहिलो दिन नेप्से परिसूचक राताम्य भएर बन्द भएको छ । गत साता करिब १ प्रतिशतले घटेको सेयर बजार यो साताको पहिलो दिन नै ०.७३ प्रतिशतले घटेर बन्द भएको हो ।
सोमबारको कारोबार बन्द हुँदा नेप्से परिसूचक १९.१३ अंकले घटेर २५९९.५८ विन्दुमा पुगेको छ । पछिल्ला दिनहरुमा लगातार रुपमा घटिरहेको बजार यो साताको सुरुको दिन पनि निरन्तर्ता पाएको छ । आजको कारोबार बन्द हुँदा सेयर बजारमा २२९ कम्पनीको सेयर मूल्य घटेको छ भने ४७ वटा कम्पनीको मात्रै मूल्य बढेको छ । त्यस्तै आज र्दुइ वटा कम्पनीको सेयर मूल्य भने स्थिर रहेको ।
त्यस्तै आज सेन्सेटिभ इन्डेक्स पनि ३.१७ अंकले घटेर ४५८.१८ विन्दुमा पुगेको छ । आज सेयर बजारका १३ उपसूचकमध्ये सबै १३ वटैको सेयर मूल्य घटेको छ । परिसूचक उच्च अंकले घटेको दिन बजारमा ३ अर्ब माथिको कारोबार भएको छ । आज सेयर बजारमा ३५० कम्पनीका ८५ लाख ७२ हजार ९७० कित्ता सेयर ५३ हजार १५३ पटक खरिद बिक्री हुँदा ३ अर्ब २३ करोड ९७ लाख ६ हजार ५४९ रुपैयाँको कारोबार भएको छ । आज एउटा कम्पनीको सेयर मूल्यमा सकारात्मक सर्किट लागेर कारोबार भएको छ ।
