डेभिड वार्नरले काठमान्डु गोर्खाजबाट एनपीएल खेल्ने
काठमाडौं । काठमान्डु गोर्खाजले तेस्रो संस्करणको नेपाल प्रिमियर लिग (एनपीएल) का लागि अस्ट्रेलियाका स्टार क्रिकेटर डेभिड वार्नरलाई टोलिमा भित्र्याएको छ । गोर्खाजले सामाजिक सञ्जाल मार्फत् वार्नरलाई अनुबन्ध गरिएको जनाएको हो ।
उनी एनपीएल खेल्न आउने हालसम्मकै ठूला विदेशी खेलाडी हुन् । यसअघि अस्ट्रेलियाको क्रिकेटिङ संस्था सिम स्ट्राइकले पनि वार्नरले एनपीएल खेल्ने भनेर पोस्ट नै राखिसकेको थियो । वार्नरले उक्त पोस्टमा लाइक पनि गरेका थिए ।
३९ वर्षीय वार्नरले अस्ट्रेलियाका लागि दुई एकदिवसिय विश्वकप, एक टी–२० विश्वकप र विश्व टेस्ट च्याम्पियनसिप तीनवटै मुख्य प्रतियोगिता जितेका छन् । वार्नरले सन् २०१५ र २०२३ को एकदिवसीय विश्वकप, सन् २०२१ को टी–२० विश्वकप र सन् २०२३ को विश्व टेस्ट च्याम्पियनसिप जितेका छन् ।
