साउन महिनामा वाणिज्य बैंकको निक्षेप २१ अर्बभन्दा बढीले घट्यो, कुन बैंकको अवस्था कस्तो ?

काठमाडौं । चालु आर्थिक वर्ष २०८३/०८४ को पहिलो महिना (साउन) मा नेपालका वाणिज्य बैंकहरूको निक्षेप संकलनमा सामान्य गिरावट आएको छ । असार मसान्तको तुलनामा साउन मसान्तसम्म २० वटै वाणिज्य बैंकहरूको कुल निक्षेप २१ अर्ब ६३ करोड रुपैयाँले घटेर ७४ खर्ब ७६ अर्ब ५८ करोड रुपैयाँमा झरेको छ। यसअघि असार मसान्तमा यी बैंकहरूको कुल निक्षेप ७४ खर्ब ९८ अर्ब २१ करोड रुपैयाँ रहेको थियो । जसले एक महिनाको अवधिमा निक्षेपमा ०.२९ प्रतिशतले कमी आएको देखाउँछ।

साउन महिनामा २० वटा बैंकमध्ये १० वटाको निक्षेप घटेको छ भने बाँकी १० वटाको बढेको छ। निक्षेप संकलनमा अग्रस्थानमा रहेको ग्लोबल आइएमई बैंकको निक्षेप सर्वाधिक १३ अर्ब ६९ करोड रुपैयाँले घटेर ६८ खर्ब ६७ अर्ब ५० करोड रुपैयाँमा सीमित भएको छ (असारमा यस बैंकको निक्षेप ७० खर्ब ४४ अर्ब रुपैयाँ थियो)। यता, दोस्रो स्थानमा रहेको राष्ट्रिय वाणिज्य बैंकको निक्षेप भने ३ अर्ब ४१ करोड रुपैयाँले बढेर ६८ खर्ब १६ अर्ब ३० करोड रुपैयाँ पुगेको छ। त्यस्तै, तेस्रो स्थानमा रहेको नबिल बैंकको निक्षेपमा पनि ४ अर्ब ७२ करोड रुपैयाँले वृद्धि भई ६० खर्ब १८ अर्ब ८० करोड रुपैयाँ कायम भएको छ।

चौथो स्थानमा रहेको नेपाल इन्भेष्टमेन्ट मेगा बैंकको निक्षेप १ अर्ब ९७ करोड घटेर ५२ खर्ब ९१ अर्ब ६० करोडमा झरेको छ (असारमा ५३ खर्ब ११ अर्ब ३० करोड थियो)। त्यस्तै, लक्ष्मी सनराइज बैंकको निक्षेप ५ अर्ब २ करोड बढेर ४३ खर्ब ३७ अर्ब ८० करोड, कुमारी बैंकको १० अर्ब ८४ करोड बढेर ४२ खर्ब ३५ अर्ब ६० करोड र नेपाल बैंकको निक्षेप १ अर्ब ७० करोड बढेर ४१ खर्ब ८ अर्ब पुगेको छ।

यस अवधिमा हिमालयन बैंकको निक्षेप ३ अर्ब ७४ करोड घटेर ३५ खर्ब ६८ करोड, कृषि विकास बैंकको ५ अर्ब ७८ करोड घटेर ३४ खर्ब ६० अर्ब र प्रभु बैंकको ७ अर्ब ४८ करोड घटेर ३४ खर्ब ५७ अर्ब ५० करोडमा सीमित भएको छ। बैंकहरूमध्ये एनआईसी एशिया बैंकको निक्षेपमा भने सबैभन्दा ठूलो गिरावट आएको छ; यसको निक्षेप १६ अर्ब २९ करोड घटेर ३२ खर्ब ९४ अर्ब ३० करोडमा झरेको छ।

त्यसैगरी, सिद्धार्थ बैंकको निक्षेप ३ अर्ब ३० करोड घटेर ३२ खर्ब ८२ अर्ब पुग्दा एभरेष्ट बैंकको भने १ अर्ब ७८ करोड बढेर ३१ खर्ब ८३ अर्ब ७० करोड पुगेको छ। यसैक्रममा एनएमबी, प्राइम, र सानिमा बैंकको निक्षेपमा पनि कमी आएको छ भने सिटिजन्स बैंक, माछापुच्छ्रे, नेपाल एसबिआई र स्ट्यान्डर्ड चार्टर्ड बैंकको निक्षेपमा संकलन तथ्यांकमा फेरबदल देखिएको छ।