राष्ट्रिय जीवन बीमा कम्पनीले माग्यो ३६ जना कर्मचारी, योग्यता कति ?
काठमाडौं । राष्ट्रिय जीवन बीमा कम्पनी लिमिटेडले विभिन्न पदहरूमा ३६ जना कर्मचारी माग गरेको छ । सरकारी स्वामित्वको बीमा कम्पनीले खुला प्रतियोगिताद्वारा स्थायी पदपूर्ति गर्ने गरी दरखास्त आह्वान गरेको हो ।
कम्पनीले सह व्यवस्थापक, सहायक व्यवस्थापक र सहायक पदको विभिन्न तहमा प्रशासन र प्राविधिक सेवा अन्तर्गतको विभिन्न समूहमा आवेदन खुलाएको हो । कम्पनीले प्रशासन समूहतर्फ जम्मा ७ जना, लेखा सूमहतर्फ जम्मा १८ जना, कानून समूहतर्फ १ जना, सि.ए समूहतर्फ ४ जना, एक्चुरी समूहतर्फ ३ जना र सूचना प्रविधि समूहतर्फ ३ जनाबाट आवेदन माग गरेको हो ।
सम्बन्धित पदहरूका लागि तोकिएको शैक्षिक लगायत अन्य योग्यता पूरा भएको इच्छुक नेपाली नागरिकले साउन ७ गतेभित्र र दोब्बर दस्तूर तिरी साउन १४ गतेभित्र अनलाइन दरखास्त फाराम पेश गर्नु पर्नेछ ।
