सीडीएससीमा नेतृत्व परिवर्तन, पन्दाकलाई नेप्सेमा फिर्ता बोलाइयो
काठमाडौं । नेपाल स्टक एक्सचेन्ज (नेप्से) ले सीडीएस एण्ड क्लियरिङ लिमिटेड (सीडीएससी) मा नेतृत्व परिवर्तन गरेको छ। प्रबन्ध सञ्चालक तथा कार्यकारी प्रमुखका रूपमा कार्यरत प्रवीण पन्दाकलाई पदबाट हटाएर पुनः नेप्सेमै फिर्ता बोलाइएको हो।पन्दाकको नियुक्ति प्रारम्भदेखि नै प्रक्रियागत रूपमा विवादित रहँदै आएको थियो।
तत्कालीन सिइओ कृष्ण बहादुर कार्की ले आफ्नो कार्यकाल अन्त्यतिर सीडीएससीको नेतृत्वमा पन्दाकलाई चार वर्षका लागि नियुक्त गरेका थिए। जबकि सो पदमा खुला प्रतिस्पर्धाबाट नियुक्ति हुनुपर्ने अपेक्षा गरिएको थियो। यस कदमलाई नीतिगत विचलनका रूपमा आलोचना गरिएको थियो।
नयाँ नेतृत्वले उक्त निर्णयलाई नियमसम्मत नभएको ठहर गर्दै सुधारात्मक कदमस्वरूप पन्दाकलाई फिर्ता बोलाएको हो।
