हिमालयन लाइफले बिक्रीमा राख्यो १ लाख ९६ हजार कित्ता शेयर
काठमाडौं । बिग मर्जरबाट स्थापित हिमालयन लाइफ इन्स्योरेन्स कम्पनीले संस्थापक शेयरको बिक्री खुलाएको छ। कम्पनीले संस्थापक शेयरधनी विनय कुमार तोदीको नाममा रहेको १ लाख ९६ हजार ९ सय ७३ कित्ता शेयरको बिक्री खुलाएको हो ।
कम्पनीका अनुसार अहिले विद्यमान संस्थापक शेयरधनीले मात्रै उक्त शेयर किन्न सक्नेछन्। शेयर किन्न इच्छुक शेयरधनीले ३५ दिनभित्र कम्पनीको कानून विभागमा लिखित निवेदन दिनु पर्छ।
कम्पनीले तोकिएको अवधिमा पनि संस्थापक शेयरधनीबाट शेयर नपरेमा इच्छुक सर्वसाधारणहरुका लागि बिक्री खुला गर्ने एक सूचनामामार्फत जानकारी दिएको छ ।
