सगरमाथा लुम्बिनी इन्स्योरेन्स कम्पनी : नेत्रहीन महिला संघ नेपाललाई शैक्षिक सामग्री हस्तान्तरण
काठमाडौं, १७ श्रावण २०८३ सगरमाथा लुम्बिनी इन्स्योरेन्स कम्पनी लिमिटेडले आफ्नो संस्थागत सामाजिक उत्तरदायित्व (CSR) अन्तर्गत रोटरी क्लब अफ हिमालयन गल्फर्स सँगको सहकार्यमा १७ श्रावण २०८३ मा नेत्रहीन महिला संघ नेपाल का ljBfyL{हरूलाई शैक्षिक सामग्री वितरण गरेको छ।
शिक्षा तथा सामाजिक उत्थानमा योगदान पुर्याउने उदेश्यले आयोजित उक्त कार्यक्रममा कम्पनीकी नायब प्रमुख कार्यकारी अधिकृत बरिष्मा साउद आचार्यको उपस्थिति रहेको थियो। कार्यक्रममा नेत्रहीन महिला संघ नेपालका विद्यार्थीहरु स्वयं उपस्थित रहेका थिए र उनीहरूलाई आवश्यक शैक्षिक सामग्री प्रत्यक्ष रूपमा हस्तान्तरण गरिएको थियो।
यस अवसरमा आचार्यले शिक्षा नै समाज रूपान्तरणको महत्वपूर्ण आधार भएको उउदेश्यलेल्लेख गर्दै सगरमाथा लुम्बिनी इन्स्योरेन्सले आफ्नो संस्थागत सामाजिक उत्तरदायित्व अन्तर्गत शिक्षा, स्वास्थ्य तथा सामाजिक विकासका क्षेत्रमा निरन्तर योगदान पुर्याउँदै आएको बताए। साथै, आगामी दिनहरूमा पनि यस्ता सामाजिक उत्तरदायित्वका कार्यक्रमलाई निरन्तरता दिइने प्रतिबद्धता व्यक्त गरे।
कार्यक्रममा रोटरी क्लब अफ हिमालयन गल्फर्सका पदाधिकारी, नेत्रहीन महिला संघ नेपालका प्रतिनिधिहरूको सहभागिता रहेको थियो। कार्यक्रममा अध्ययन सामग्री प्राप्त गरेकाहरूले सहयोगप्रति आभार व्यक्त गर्दै यसले उनीहरूको अध्ययनलाई थप सहज र प्रभावकारी बनाउन महत्वपूर्ण सहयोग पुग्ने विश्वास व्यक्त गरे।
सगरमाथा लुम्बिनी इन्स्योरेन्सले विगतदेखि नै शिक्षा, स्वास्थ्य, वातावरण संरक्षण तथा समुदायको समग्र विकासलाई प्राथमिकतामा राखी विभिन्न संस्थागत सामाजिक उत्तरदायित्वका कार्यक्रम सञ्चालन गर्दै आइरहेको छ।
