साताको सेयर : ६८ अंकले घट्यो नेप्से, १ खर्ब ८ अर्बले घट्यो कुल बजार पुँजीकरण

काठमाडौं । यो साता सेयर बजार ६८ अंकभन्दा बढीले घटेको छ । यो साता सेयर बजार परिसूचक ६८ दशमलव ३४ अंकले बटेको हो । यो गत साताको भन्दा २.४९ प्रतिशतले कम हो । यो साताको अन्तिम दिनको कारोबार अवधिपति नेप्से परिसूचक २६८० दशललव ४४ विन्दुमा पुगेको हो ।

यो साता बजार खुलेका ४ कारोबार दिनमध्ये दुई कारोबार दिन नेप्से बढेको थियो भने दुई कारोबार दिन नेप्से घटेको थियो । यस साताको मंगलबार र बिहीबार नेप्से घटेको थियो । अन्य दुई दिन बढेको थियो । यो साता सेन्सेटिभ इण्डेक्स १३ दशमलव ०६ अंक घटेको छ भने फ्लोट इण्डेक्स ४ दशमलव ८२ अंक र सेन्सेटिभ फ्लोट इण्डेक्स ४ दशमलव ३४ अंक घटेको छ ।

नेप्सेसँगै यो साता कारोबार रकम पनि घटेको छ । गत साता दैनिक औषतमा ९ अर्ब ४४ करोडको सेयर किनबेच भएको बजारमा यो साता दैनिक औषतमा ९ अर्ब ३९ करोडको सेयर किनबेच भएको छ । गत साताको तुलनामा यस साताको दैनिक औषत कारोबार रकम ०.५२ प्रतिशत घटेको हो । यस साता दैनिक औषत सेयर संख्या ०.३५ प्रतिशत बढेको छ भने दैनिक औषत कारोबार संख्या ०.८० प्रतिशत घटेको छ ।
यो साता नेप्सेको कुल बजार पुँजीकरण पनि साढे २ प्रतिशत घटेको छ । गत साताको अन्तिम कारोबार दिन ४३ खर्ब ७६ अर्ब रुपैयाँ रहेको नेप्सेको कुल बजार पुँजीकरण यो साता २.४९ प्रतिशत अर्थात १ खर्ब ८ अर्ब रुपैयाँ घटेर ४२ खर्ब ६८ अर्ब झरेको छ ।

यो साता १३ उपसमूहमध्ये दुई उपसमूहको परिसूचक बढेको छ भने ११ उपसमूहको परिसूचक घटेको छ । यस साता म्युचुअल फण्ड र विकास बैंक उपसमूहको परिसूचक क्रमशः ०.३२ प्रतिशत र ०.१४ प्रतिशत बढेको छ । यो साता वित्त उपसमूहको परिसूचक सर्वाधिक ५.११ प्रतिशत घटेको छ । गत साता ३७६१ दशमलव ७७ विन्दुमा बन्द भएको यस उपसमूहको परिसूचक, यस साता १९२ दशमलव ३४ अंक घटेर ३५६९ दशमलव ४३ विन्दुमा झरेको छ । अंकका आधारमा भने यस साता निर्जीवन बीमा उपसमूहको परिसूचक सर्वाधिक ४९६ दशमलव ३८ अंक घटेको छ ।

यो साता महिला लघुवित्त वित्तीय संस्थाको सेयरमूल्य सर्वाधिक १५.८१ प्रतिशत बढेको छ । त्यस्तै, यस साता अप्पर हेवाखोला हाइड्रोपावर कम्पनीको सेयरमूल्य साढे १३ प्रतिशत बढेको छ भने हिमालयन उर्जा विकास कम्पनीको सेयरमूल्य साढे १० प्रतिशतभन्दा बढी बढेको छ । यस साता गुराँस लघुवित्त वित्तीय संस्थाको सेयरमूल्य सर्वाधिक १९.८८ प्रतिशत घटेको छ । त्यसैगरी, यस साता समृद्धि फाइनान्सको सेयरमूल्य १७.७० प्रतिशत र मकर जितुमाया सुरी हाइड्रोपावरको सेयरमूल्य १०.४० प्रतिशत घटेको छ ।