नेप्सेको सिइओमा चूडामणि चापागाईं नियुक्त
काठमाडौं । नेपाल स्टक एक्स्चेन्जको प्रमुख कार्यकारी अधिकृत (सिइओ) मा चूडामणि चापागाईं नियुक्त भएका छन् ।
मन्त्रिपरिषदको सोमबार बसेको बैठकले उनलाई नेप्से सीईओमा नियुक्त गरेको हो ।
पर्यटन व्यवसायीसमेत रहेका झापाका स्थायीवासी चापागाईंले लामो समय सानिमा बैंकमा आवद्ध रहेर काम गरेका छन् । हाल उनी सानिमा रिलायन्स लाइफ इन्स्योरेन्सका डेपुटी जनरल म्यानेजर समेत हुन् ।
यसअघि सर्टलिष्टमा परेकामध्ये नारद लुइँटेल सिइओ नियुक्त भएको खबर सार्वजनिक भएको थियो । तर उनको योग्यतामा कैफियत रहेको खुलेपछि निर्णय उल्टिएको थियो । नेप्से माघ २५ गतेदेखि सिइओविहीन थियो ।
