एकपछि अर्को रेकर्ड बनाउँदै सुन, आजको मूल्य अहिलेसम्मकै उच्च
काठमाडौँ । नेपाली बजारमा सुनको एकपछि अर्को रेकर्ड बनाउँदै गइरहेको छ । यसअघि सोमबार रेकर्ड बनाएको सुनले मंगलबार पनि नयाँ रेकर्ड कायम गरेको छ ।
आज सुन तोलामा एक हजार ८०० रुपैँयाले बढेको छ ।
नेपाल सुनचाँदी व्यवसायी महासंघका अनुसार मंगलबार सुन प्रतितोला एक लाख ७९ हजार ७०० रुपैयाँमा कारोबार भइरहेको छ ।
यस्तै, आज चाँदीको मूल्य भने स्थिर रहेको छ । आज चाँदी दुई हजार ३५ रुपैयाँमा कारोबार भइरहेको महासंघले जनाएको छ ।
