ट्रम्पको अटो भन्सार शुल्क र दुवै महादेशका लागि आर्थिक खतरालाई लिएर युरोपद्वारा आलोचना

जर्मनी । पहिलेदेखि नै घरेलु सुस्त आर्थिक वृद्धि र चीनबाट बढ्दो प्रतिस्पर्धाको समस्यामा रहेका युरोपेली अटोमोबाइल निर्माताहरुले बिहीबार अमेरिकी आयात करलाई बोझका रुपमा घोषणा गरेका छन् ।

उनीहरुले यसले अटलान्टिकका दुवै तर्फका उपभोक्ता र कम्पनीहरुलाई समान रुपमा सजाय दिने बताएका छन् । अमेरिकी राष्ट्रपति डोनाल्ड ट्रम्पले बुधबार घोषणा गरेको नयाँ २५ प्रतिशत आयात कर ‘विश्वव्यापी अटोमोबाइल निर्माताहरु र अमेरिकी उत्पादनलाई एकैसाथ चोट पुर्याउने’, युरोपेली अटोमोबाइल निर्माता संघले एक विज्ञप्तिमा बताएको छ ।

जर्मनीको अटो उद्योग संघ, भिडिएका प्रमुखले करहरुले कार निर्माताहरु र गहिरो अन्तरसम्बन्धित विश्वव्यापी आपूर्ति शृंखलामा प्रत्येक कम्पनीलाई ‘उत्तर अमेरिकासहित उपभोक्ताहरुका लागि सबै भन्दा बढी नकारात्मक परिणामहरु ल्याउने’ बताए ।

“परिणामले सबै पक्षबाट विकास र समृद्धिलाई खर्च गर्नेछ”, हिल्डेगार्ड मुलरले एक विज्ञप्तिमा भने । बिएमडब्लु, फोक्सवागन, मर्सिडिज–बेन्ज, भोल्भो, स्टेलान्टिस र तिनीहरुको आपूर्तिकर्ताहरुको विशाल सञ्जालका साथै सम्पूर्ण युरोपेली अर्थतन्त्रका लागि यो ठूलो जोखिम हो ।

अमेरिका युरोपेली अटो उद्योगको सबैभन्दा ठूलो निर्यात गन्तव्य हो र सन् २०२३ मा युरोपेली अटोमोबाइल निर्माताहले ५६ अर्ब युरो मूल्यका सवारी साधन र पाट्र्सहरु अमेरिका पठाएका थिए । युरोपको अटो उद्योगले एक करोड ३८ लाख रोजगारी वा कुल युरोपेली संघ ९इयु० रोजगारीको ६ दशमलव एक प्रतिशत समर्थन गर्दछ ।

युरोपका कार निर्माताहरुले पहिले नै संकुचित घरेलु बजार र सस्तो चिनियाँ विद्युतीय सवारी साधनहरुबाट नयाँ प्रतिस्पर्धाको सामना गरिरहेका छन् । अटो उद्योगमा कुनै पनि समस्याले युरोपेली अर्थतन्त्रमा असर पार्नेछ । यो सन् २०२४ को अन्तिम त्रैमासिकमा बिल्कुलै बढेको छैन र सम्पूर्ण वर्षका लागि शून्य दशमलव नौ प्रतिशत मात्र बढेको थियो ।

सबैभन्दा बढी जोखिममा जर्मनी र इटालीका कार निर्माताहरु छन् किनभने जर्मनीको २४ प्रतिशत र इटालीको ३० प्रतिशत गैर–युरोपेली संघ निर्यात अमेरिका जान्छ । जर्मनी फोक्सवागन, मर्सिडिज–बेन्ज र बिएमडब्लु जस्ता ठूला अटोमोबाइल निर्माताहरुको घर हो ।

अक्सफोर्ड इकोनोमिक्सकी विश्लेषक क्लारिसा हानले लेखेका छन्, “यसले लाखौँ रोजगारी मात्र नभई ब्लकको कुल गार्हस्थ्य उत्पादन ९जीडीपी० को ठूलो अनुपातमा योगदान पुर्याउने क्षेत्रलाई ठूलो धक्का दिनेछ ।” उनले जर्मनीको निर्यात सात दशमलव एक प्रतिशतले घटेको र इटालीको निर्यात ६ दशमलव ६ प्रतिशतले घटेको बताए ।

अमेरिकी कार निर्माताहरु प्रतिशोधात्मक कारबाहीका लागि कम जोखिममा छन् किनभने तिनीहरुले इयुमा आफ्नो उत्पादनको दुई प्रतिशत मात्र निर्यात गर्छन् । अझै पनि अमेरिकामा डेट्रोइटका फोर्ड र जनरल मोटर्सका सेयरहरु तीव्र रुपमा घटे किनभने अमेरिकी उद्योग आपूर्तिकर्ताहरुबीच सीमापार व्यापारमा धेरै निर्भर छ ।

“इयु र अमेरिकाले कर र व्यापार युद्धका क्षतिकारक परिणामहरु टार्न तत्काल संवाद गर्नुपर्छ”, युरोपेली निर्माता संघले भन्यो । जर्मन अटो एसोसिएसनका प्रमुख मुलरले इयु र अमेरिकाबीच द्विपक्षीय सम्झौतामा तत्काल वार्ताका लागि आह्वान गरे ।

उनका अनुसार यसले ‘अटोमोबाइल उत्पादनहरुका लागि विभिन्न कर र गैर–कर अवरोधहरुबारे छलफल गर्न र अधिक सन्तुलित दृष्टिकोणमा लैजान सक्ने’ एउटा फोरम प्रस्ताव गर्नेछ ।