प्रि ओपन सेसनमा सामान्य अंक बढ्यो नेप्से

काठमाडौं । बिहीबार प्रि ओपन सेसनमा नेप्से परिसूचक सामान्य अंक बढेर बन्द भएको छ। अघिल्लो कारोबार दिन अर्थात बुधबार ०.५५ अंक बढेर २६४२.४० विन्दुमा बन्द भएको नेप्से, यस दिन सो सेसनमा ०.२४ अंक बढेर २६४२.६४ विन्दुमा पुगेको छ। सो सेसनमा सेन्सेटिभ इण्डेक्स भने १.४८ अंक बढेको छ।

बिहीबार प्रि ओपन सेसनमा ६४ स्टकको ११४ पटकको कारोबारमा ६ करोड २ लाख ३४ हजार ९०७ रुपैयाँ ५० पैसाबराबरको १ लाख ६ हजार ३६१ कित्ता शेयर खरिदबिक्री भएको छ। जसमध्ये २१ स्टकको मूल्य बढेको छ भने ३१ स्टकको मूल्य घटेको छ। बाँकी १२ स्टकको मूल्य भने सो सेसनमा स्थिर रहेको छ।