प्रि ओपन सेसनमा करिब २ अंक घट्यो नेप्से

काठमाडौं । बिहीबार प्रि ओपन सेसनमा नेप्से परिसूचक करिब २ अंक घटेर बन्द भएको छ। अघिल्लो कारोबार दिन अर्थात बुधबार ४.७९ अंक बढेर २६६७.९७ विन्दुमा बन्द भएको नेप्से, यस दिन सो सेसनमा १.८५ अंक घटेर २६६६.१२ विन्दुमा झरेको छ। सो सेसनमा सेन्सेटिभ इण्डेक्स भने ०.९१ अंक घटेको छ।

बिहीबार प्रि ओपन सेसनमा ६० स्टकको १२० पटकको कारोबारमा ५ करोड ५५ लाख ५५ हजार ६७९ रुपैयाँ ९० पैसाबराबरको १ लाख ४ हजार ४२७ कित्ता शेयर खरिदबिक्री भएको छ। जसमध्ये २३ स्टकको मूल्य बढेको छ भने ३२ स्टकको मूल्य घटेको छ। बाँकी ५ स्टकको मूल्य भने सो सेसनमा स्थिर रहेको छ।