प्रि ओपन सेसनमा साढे १५ अंक घट्यो नेप्से

काठमाडौं । साताको पहिलो कारोबार दिन प्रि ओपन सेसनमा नेप्से परिसूचक साढे १५ अंक घटेर बन्द भएको छ। अघिल्लो कारोबार दिन अर्थात गत शुक्रबार ७९.७४ अंक बढेर २६७७.५४ विन्दुमा बन्द भएको नेप्से, यस दिन सो सेसनमा १५.५७ अंक घटेर २६६१.९७ विन्दुमा झरेको छ। सो सेसनमा सेन्सेटिभ इण्डेक्स भने ३.६१ अंक घटेको छ।

सोमबार प्रि ओपन सेसनमा ७३ स्टकको १२३ पटकको कारोबारमा २ करोड ९६ लाख ८० हजार ४७४ रुपैयाँ ५० पैसाबराबरको ९० हजार ६८६ कित्ता शेयर खरिदबिक्री भएको छ। जसमध्ये ३४ स्टकको मूल्य बढेको छ भने ३३ स्टकको मूल्य घटेको छ। बाँकी ६ स्टकको मूल्य भने सो सेसनमा स्थिर रहेको छ।