सुनचाँदीको मूल्य घट्यो, तोलाको कति ? 

काठमाडौं । नेपाली बजारमा आइतबार सुनचाँदीको मूल्य घटेको छ । आज सुन तोलाको ४ हजार ५०० रुपैयाँ र चाँदीको मूल्य ३३० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज सुन तोलाको २ लाख ९४ हजार रुपैयाँमा कारोबार भइरहेको छ । अघिल्लो दिन सुनको मूल्य २ लाख ९८ हजार ५०० रुपैयाँ रहेको थियो ।

त्यस्तै आज चाँदीको मूल्य ३३० रुपैयाँले घटेर ५ हजार ६० रुपैयाँमा कारोबार भएको छ । अघिल्लो कारोबार दिन चाँदी तोलाको ५ हजार ३९० रुपैयाँ रहेको थियो ।