अपि पावरकी अध्यक्ष सिर्जना खड्काले हात पारिन ट्याली एमएसएमई अनर्स अवार्ड
काठमाडौं । अपि पावर कम्पनी लिमिटेडको संचालक समितिका अध्यक्ष सिर्जना खड्कालाई ट्याली एमएसएमई अनर्स २०२५ अवार्डबाट सम्मानित गरिएको छ । शुक्रबार हायात रिजेन्सी होटेलमा भव्यरुपले सम्पन्न ट्याली एमएसएमई अनर्स २०२५ मा ”Wonder Women” विधाबाट अपि पावरका अध्यक्ष खड्का सम्मानित गरिएको हो ।
विशेष गरी महिलाहरूले सञ्चालन गरेका व्यवसायहरूलाई सम्मान गर्नको लागि ”Wonder Women” विधा राखिएको छ, जसमा कठिनाइहरूको बावजुद पनि आफ्नो व्यवसायमा सफलता हासिल गरेका महिलाहरुलाई सम्मान गरिन्छ ।खड्काले विगत एक दशकदेखि जलविद्युत क्षेत्रमा सक्रिय रुपमा काम गर्दै आएकी छिन् । खड्का सहित ६ जनाले विभिन्न विधामा यस अवार्ड पाएका छन् ।
