नर्भिक इन्टरनेसनल हस्पिटलले बोलायो बार्षिक साधारणसभा
काठमाडौं । नर्भिक इन्टरनेसनल हस्पिटलले लाभांश तथा आईपीओ निष्कासन प्रस्ताव पारित गर्न साधारणसभा बोलाएको छ ।
सभा, भदौ २९ गते, बिएलसी सभाकक्ष, थापाथली काठमाडौंमा मध्यान्ह साढे १२ बजेदेखि बस्नेछ । सभाले शेयरधनीलाई ४० प्रतिशत बोनस शेयर र त्यसको कर प्रयोजनका लागि २.१०५ प्रतिशत नगद लाभांश वितरण गर्ने प्रस्ताव पारित गर्नेछ । साथै, बोनस शेयर जारीपश्चात् आवश्यकताअनुसार प्रबन्धपत्र र नियमावलीमा संशोधन गर्न सञ्चालक समितिलाई अख्तियारी दिनेलगायतका एजेन्डासमेत सभाका रहेका छन् ।
त्यस्तै संस्थाको जारी पुँजीको २० प्रतिशत आईपीओ सर्वसाधारणका लागि जारी गर्ने एजेन्डा पनि सभामा लगिनेछ ।
सोही सभाले सञ्चालक समितिको गत आर्थिक वर्षको वार्षिक प्रतिवेदन तथा लेखपरीक्षकको प्रतिवेदनउपर छलफल गरी पारित गर्नुका साथै चालू आवका लागि लेखापरीक्षक नियुक्ति र निजको पारिश्रमिक निर्धारण गर्नेछ ।
