अपि होल्डिङ्गस कम्पनीले बोलायो साधारणसभा
काठमाडौं । अपि होल्डिङ्गस कम्पनी लिमिटेडले साधारणसभा आह्वान गरेको छ । कम्पनीले असोज ५ गते आइतबार बिहान ११ बजे कम्पनीको ट्रेड टावर स्थित रजिस्टर्ड कार्यालयमा सभा बोलाएको हो ।
सभामा संचालक समितिको तर्फबाट अध्यक्षद्वारा आर्थिक वर्ष २०८१ / ०८२ को वार्षिक प्रतिवेदन प्रस्तुत गर्ने, छलफल तथा स्वीकृत गर्ने प्रस्ताव पेश हुने छ। त्यस्तै आर्थिक वर्ष २०८१/०८२ को लेखापरिक्षकको प्रतिवेदन सहित आर्थिक बर्ष २०८१ / ०६२ को वासलात, नाफा नोक्सान हिसाब र नगद प्रवाह लगायतका वित्तिय विवरणहरु छलफल गरी स्वीकृत गर्ने प्रस्ताव पेश हुने छ।
कम्पनी ऐन २०६३ को दफा १११ अनुसार आ.व २०८२ / ०८३ का लागि लेखापरिक्षकको नियुक्ति गर्ने र निजको पारिश्रमिक निर्धारण गर्ने र संचालक समितिको निर्वाचन पनि सभामा हुने छ।
विशेष प्रस्ताव अन्तर्गत कम्पनीको उद्देश्य थप गर्न तथा पूँजी वृद्धि गर्न प्रबन्धपत्र र नियमावलीमा आवश्यक संशोधन गर्न संचालक समितिलाई अख्तियारी प्रदान गर्ने र बैंक तथा वित्तिय संस्थाबाट उपभोग भइरहेको कर्जा अनुमोदन गर्न तथा आवश्यक्ता अनुसार थप कर्जा लिन संचालक समितिलाई अख्तियारी प्रदान गर्ने प्रस्ताव पेश हुने छन्।
