प्रभु केवलकारको क्रेडिट रेटिङ्ग सम्झौता सम्पन्न
काठमाडौं । प्रभु केवलकार एण्ड टुरिजम लिमिटेडले आज एक कार्यक्रमकाबीच केयर रेटिङ्ग नेपाल लिमिटेडसँग क्रेडिट रेटिङ्ग सम्झौता गरेको छ । उक्त क्रेडिट रेटिङ्गसम्झौता पत्रमा प्रभु केवलकार एण्ड टुरिजम लिमिटेडको तर्फबाट वरिष्ठ महाप्रबन्धक सन्दिप दाहालले र केयर रेटिङ्ग नेपाल लिमिटेडको तर्फबाट कम्पनीका प्रतिनिधिले हस्ताक्षर गरेका छन् ।
आईपिओ निष्काशन गर्ने सम्बन्धमा आगामी वार्षिक साधारणसभाबाट प्रस्ताव पारित गर्ने तयारी स्वरुप प्रभु केवलकारले क्रेडिट रेटिङ्गसम्झौता गरेको हो । यो सम्झौता सँगै अब प्रभु केवलकारले दुई महिनाभित्र आफ्नो क्रेडिट रेटिङ्गसम्झौता सम्पन्न गरी धितोपत्र बोर्डमा सार्वजनिक शेयर निष्काशनको लागि आवेदन दिनेछ ।
प्रभु केवलकारको लगानीमा तीन वटा केवलकार परियोजनाहरु अगाडि बढेका छन् । बुटवलस्थित गौतम बुद्धको कुलगुरु ऋषि कालदेवलको आश्रम र नुवाकोटगढी पाल्पा जाने सिद्धार्थ केवलकार परियोजना गत २०८१ साल भाद्रदेखि व्यवसायिक सञ्चालनमा आइसकेको छ । कम्पनीले आईपिओबाट आउने सम्पूर्ण रकम ईच्छाकामना केवलकार र बडीमालिका केवलकार निर्माण गर्न खर्च गर्ने तयारी गरेको छ
