एनआईसी एसियासहित १० बैंकको लेखापरीक्षण गर्न बंगलादेशको कम्पनीसँग राष्ट्र बैंकले गर्यो सम्झौता

राष्ट्र बैंकले सार्वजनिक खरिद ऐन, २०६३ को दफा ३८ (२) बमोजिम प्राविधिक र वित्तीय प्रस्ताव मूल्यांकनका आधारमा उक्त कम्पनीलाई छनोट गरेको छ ।

उक्त कम्पनीले सन् २०२५ को डिसेम्बर अन्तिमसम्म उक्त कम्पनीले गुणस्तर परिक्षण गर्ने राष्ट्र बैंकको सम्पत्ति तथा सेवा व्यवस्थापन विभागका कार्यकारी निर्देशन रोशन कुमार सिग्देलले बताए ।

उक्त कम्पनीसँग वाणिज्य बैंकको सम्पत्ति गुणस्तर परीक्षणका लागि ४ करोड ३७ लाख ४५ हजार रुपैयाँमा सम्झौता भएको हो । उक्त कम्पनीले मर्जर तथा प्राप्तिमा गएका ग्लोबल आईएमई बैंक, नबिल बैंक, नेपाल इन्भेस्टमेन्ट मेगा बैंक, कुमारी बैंक, लक्ष्मी सनराइज बैंक, हिमालयन बैंक र प्रभु बैंक रहेका छन् । यस्तै एनआईसी एसिया, एनएमबि, राष्ट्रिय वाणिज्य बैंकको पनि सम्पत्तिको गुणस्तर परीक्षण गर्ने छ ।

सरकारले विस्तारित कर्जा लिने क्रममा अन्तर्राष्ट्रिय मुद्रा कोष (आईएमएफ) ले राखेका सर्त अनुसार १० वाणिज्य बैंकको पूर्ण लेखा परीक्षण गर्न लागेको हो । परीक्षण गर्दा सम्पत्तिको गुणस्तरलाई हरिने छ । कर्जा आकार र डिफल्ट रेटलाई पनि आधार मानिने छ ।