सुनचाँदीको भाउ बढ्यो, प्रतितोला कति?
काठमाडौं । नेपाली बजारमा आज सुन र चाँदीको भाउ बढेको छ। यस दिन सुन प्रतितोला १४०० रुपैयाँले बढेको हो।
नेपाल सुनचाँदी व्यवसायी महासंघका अनुसार आज सुन प्रतितोला १ लाख ९४ हजार ४०० रुपैयाँ कायम भएको छ। अघिल्लो दिन सुन प्रतितोला १ लाख ९३ हजार रुपैयाँमा कारोबार भएको थियो।
त्यस्तै आज चाँदीको भाउ पनि प्रतितोला २ हजार ३१० रुपैयाँ तोकिएको छ। अघिल्लो दिन चाँदी २ हजार ३०० रुपैयाँ प्रतितोलाको दरमा किनबेच भएको थियो।
