मिटरब्याजसम्बन्धी सबै लिखतहरू अवैध घोषणा
काठमाडौं । सरकारले मिटरब्याज लिने गरी भएका सबै लिखतहरू आजको मितिबाट अवैध घोषणा गरेको छ । आज बसेको मन्त्रिपरिषद् बैठकले सो निर्णय गरेको हो ।
मिटरब्याजपीडित र सरकारी पक्षबीच साउन १ गते भएको सम्झौतालाई मन्त्रिपरिषदले अनुमोदन गरेको शिक्षामन्त्री तथा सरकारका प्रवक्ता सस्मित पोखरेलले बताए ।
त्यसअनुसार आजैका मितिबाट मिटरब्याजसँग सम्बन्धित सबै फर्जी लिखत अवैध भएको उनको भनाइ छ ।
