सेयर बजारमा उच्च गिरावट, परिसूचक ३० अंकले घट्दा ७ अर्ब माथिको कारोबार
काठमाडौं । साताको सेयर कारोबार हुने पहिलो दिन नेप्से परिसूचक उच्च अंकले घटेर कारोबार भएको छ । गत साता पनि घटेर कारोबार भएको बजार यो साताको पहिलो दिन नै ३० अंकले घटेर परिसूचक २५०० विन्दुमा झरको हो ।
आजको कारोबार बन्द हुँदा परिसूचक ३०.६० अंकले घटेर २५७०.१८ विन्दुमा पुगेको हो । यो गत साताको अन्तिम दिनको भन्दा १.१७ प्रतिशतले कम हो । आज सेयर बजारमा २४९ कम्पनीको सेयर मूल्य घटेको छ भने २२ कम्पनीको सेयर मूल्य बढेको छ । आज ४ कम्पनीको सेयर मूल्य आज स्थिर रहेको छ ।
आज सेन्सेटिभ इन्डेक्स पनि ३.०४ अंकले घटेर ४५०.५५ विन्दुमा पुगेको छ । आज सेयर बजारमा सबै १३ वटै उपसूचकको सेयर मूल्य नै घटेको छ । आज परिसूचक घटे पनि कारोबार रकममा भने वृद्धि देखिएको छ । आज सेयर बजारमा ३६८ कम्पनीका ४ करोड १७ लाख २५ हजार ३२३ कित्ता सेयर ५१ हजार २९५ पटक खरिद बिक्री हुँदा ७ अर्ब ४६ करोड ८४ लाख १६ हजार ११६ रुपैयाँको कारोबार भएको छ ।
