सेयर बजारको गिरावट जारी, परिसूचक १९ अंकले घट्दा कारोबारमा पनि गिरावट
काठमाडौं । साताको सेयर कारोबार हुने चौथो दिन सेयर बजार दोहोरो अंकले घटेको छ । अघिल्लो दिन पनि उच्च अंकले घटेको बजार आज पनि घटेर नै बन्द भएको हो ।
आज सेयर बजार परिसूचक १९.६७ अंकले घटेर २६०१.९२ विन्दुमा पुगेको छ । आज सेयर बजारमा २२९ कम्पनीको सेयर मूल्य घटेको छ भने ४२ वटा कम्पनीको मात्रै बढेको छ । आज ६ वटा कम्पनीको सेयर मूल्य भने स्थिर रहेको छ ।
आज सेन्सेटिभ इन्डेक्स पनि २.४९ अंकले घटेर ४५४.१९ विन्दुमा पुगेको छ । आज सेयर बजारका सबै १३ वटै उपसूचकको सेयर मूल्य घटेको छ । परिसूचक घटेको दिन कारोबार पनि घटेको छ । आज सेयर बजारमा ४ अर्ब ६१ करोड माथिको मात्रै कारोबार भएको छ । अघिल्लो दिन सेयर बजारमा ४ अर्ब ८२ करोड माथिको कारोबार भएको थियो ।
आज सेयर बजारमा ३६१ कम्पनीका ८७ लाख ५१ हजार ३८० कित्ता सेयर ५७ हजार ८६४ पटक खरिद बिक्री हुँदा ४ अर्ब ६१ करोड १९ लाख ५४ हजार ७८२ रुपैयाँको कारोबार भएको छ ।
