मौद्रिक नीति आउँने दिन नेप्से परिसूचक दोहोरो अंकले बढ्यो, कारोबार रकम ४ अर्ब माथि
काठमाडौं । साताको सेयर कारोबार हुने दोस्रो दिन नेप्से परिसूचक दोहोरो अंकले बढेको छ । नेपाल राष्ट्र बैंकले मौद्रिक नीति सार्वजनिक गर्ने दिन सेयर बजार परिसूचक २४.५७ अंकले बढेको हो ।
आजको कारोबार बन्द हुँदा नेप्से परिसूचक २६५१.६८ विन्दुमा पुगेको छ । आज सेयर बजारमा २१० कम्पनीको सेयर मूल्य बढेको छ भने ५७ कम्पनीको सेयर मूल्य घटेको छ । आज १० कम्प्नीको सेयर मूल्य स्थिर रहेको छ ।
त्यस्तै आज सेन्सेटि भइन्डेक्स पनि ४.३३ अंकले बढेर ४६०.६१ विन्दुमा पुगेको छ । आज सेयर बजारमा १३ वटै उपसूचकको सेयर मूल्य बढेको छ । नेप्से बढेको दिन पुँजी बजारमा ४ अर्ब ४० करोड माथिको कारोबार भएको छ ।
आज सेयर बजारमा ३५२ कम्पनीका ९५ लाख १९ हजार ४५२ कित्ता सेयर ७२ हजार २२ पटक खरिद बिक्री हुँदा ४ अर्ब ४० करोड ७ लाख ५२ हजार ५४२ रुपैयाँको कारोबार भएको छ । आज सेयर बजारमा एक कम्पनीको सेयर मूल्यमा सकारात्मक सर्किट लागेर कारोबार भएको छ ।
