सेयर बजारमा एकल अंकको गिरावट, कारोबार २ अर्बमा सिमित
काठमाडौं । बिहीबार पनि सेयर बजार घटेर बन्द भएको छ । अघिल्लो दिन दोहोरो अंकले घटेको बजार आज भने एकल अंकले घटेर बन्द भएको हो ।
आजको कारोबार बन्द हुँदा सेयर बजार परिसूचक ८.५० अंकले घटेर २६५१.५२ विन्दुमा पुगेको हो । आज सेयर बजारमा १७२ कम्पनीको सेयर मूल्य घटेको छ भने ८३ कम्पनीको सेयर मूल्य बढेको छ । आज १९ कम्पनीको सेयर मूल्य स्थिर रहेको छ । आज सेन्सेटिभ इन्डेक्स पनि ०.६४ अंकले घटेर ४५८.२३ विन्दुमा पुगेको छ । आज सेयर बजारमा १३ उपसूचकमध्ये १२ वटाको सेयर मूल्य घटेको छ भने एउटाको मात्रै बढेको छ । परिसूचक घटेको दिन बजारमा ३ अर्ब भन्दा पनि कमको कारोबार भएको छ ।
आज सेयर बजारमा ३३८ कम्पनीका ६४ लाख ८० हजार ५९९ कत्ता सेयर ४६ हजार ७५१ पटक खरिद बिक्री हुँदा २ अर्ब ८३ करोड ८२ लाख ७९ हजार ४११ रुपैयाँको कारोबार भएको छ । आज सेयर बजारमा २ वटा कम्पनीको सेयर मूल्यमा सकारात्मक सर्किट लागेर कारोबार भएको छ ।
