सेयर बजार ४ अंकले घट्यो ८ अर्ब ६६ करोड माथिको कारोबार
काठमाडौं । साताको सेयर कारोबार हुने पहिलो दिन नेप्से परिसूचक सामान्य घटेर बन्द भएको छ । सोमबार सेयर बजार परिसुचक ४.१८ अंकले घटेर कारोबार भएको हो ।
आजको कारोबार बन्द हुँदा परिसूचक २८३३.६० विन्दुमा पुगेको छ । आज सेयर बजारमा १५३ कम्पनीको सेयर मूल्य घटेको छ भने १०५ कम्पनीको सेयर मूल्य बढेको छ । आज १२ कम्पनीको सेयर मूल्य स्थिर रहेको छ ।
आज सेन्सेटि इन्डेक्स पनि १.४९ अंकले घटेर ४७६.६५ विन्दुमा पुगेको छ । आज सेयर बजारमा १३ उपसूचकमध्ये ७ वटाको सेयर मूल्य घटेको छ भने ६ वटाको बढेको छ । परिसूचक घटेको दिन सेयर बजारमा साढे ८ अर्ब माथिको कारोबार भएको छ ।
आज ३४२ कम्पनीका २ करोड १ लाख ६३ हजार ७९३ कित्ता सेयर १ लाख १ हजार १८० पटक खरिद बिक्री हुँदा ८ अर्ब ६६ करोड ५५ लाख ६८ हजार ६४१ रुपैयाँको कारोबार भएको छ । परिसूचक घटे पनि आज ६ कम्पनीको सेयर मूल्यमा सकारात्मक सर्किट लागेर कारोबार भएको छ ।
