शेखरलाई हराउँदै मोरङ-६ बाट रुबिना आचार्य निर्वाचित

काठमाडौं ।  प्रतिनिधि सभाको निर्वाचनमा मोरङ-६ बाट राष्ट्रिय स्वतन्त्र पार्टी (रास्वपा)की रुबिना आचार्य निर्वाचित भएकी छन्। निर्वाचन आयोगका अनुसार, आचार्य ५५ हजार ५१३ मत पाएर सांसद निर्वाचित भएकी हुन्। उनका प्रतिस्पर्धी नेपाली कांग्रेसका डा. शेखर कोइरालाले १२ हजार ८५० मत पाएका छन्।

तेस्रो नम्बरमा रहेका नेकपा (एमाले)का विनोदप्रसाद ढकालले ८ हजार ३१७ मत पाएका छन्। त्यस्तै, श्रम संस्कृति पार्टीका मातृका पौडेलले ३ हजार ४ सय, राप्रपाका सविन निरौलाले २ हजार ९२ र नेकपाका ओपेन्द्रकुमाररायले १ हजार ७१६ मत पाएका छन्।