वैभवको डेब्युमा भारतको हार, इंग्ल्यान्डलाई सफलता

काठमाडौं । इंग्ल्यान्डले भारतविरुद्धको दोस्रो टि ट्वान्टी अन्तर्राष्ट्रिय क्रिकेटमा ४ विकेटको रोमाञ्चक जित निकाल्दै ३ खेलको सिरिजमा  १-० को अग्रता बनाएको छ। म्यानचेस्टरस्थित ओल्ड ट्राफोर्डमा शनिबार भएको खेलमा भारतले दिएको १ सय ९१ रनको लक्ष्य इंग्ल्यान्डले १९ ओभरमै ६ विकेट गुमाएर पूरा गर्यो।

जितका नायक जेकब बेथेल बने। उनले ४६ बलमा ७६ रनको अविजित इनिङ्स खेल्दै इंग्ल्यान्डलाई कठिन अवस्थाबाट जितसम्म पुर्याए। उनको इनिङ्समा आक्रामक समान ५  चौका र छक्का समावेश थिए। ह्यारी ब्रुकले केवल १५ बलमा ३९ र टम ब्यान्टनले मध्यक्रममा ३९ रन जोडे।  एक समय इंग्ल्यान्ड १३३/५ को अवस्थामा थियो र जितका लागि २८ बलमा ५८ रन आवश्यक थियो। त्यसपछि बेथेलले रवि बिश्नोईको एक ओभरमा २९ रन बटुल्दै खेलको दिशा नै परिवर्तन गरिदिए। उक्त ओभरमा उनले ३  छक्का प्रहार गरेका थिए।

तर बेथेलले रवि बिश्नोईको एक ओभरमा २९ रन असुल्दै खेलको समीकरण पूर्ण रूपमा परिवर्तन गरिदिए। उक्त ओभरमा ३ तीन छक्का प्रहार गरे भने बिश्नोईले दुई पटक ब्याक फुट नो‌ बल फालेका कारण भारत थप दबाबमा परेको थियो। त्यसपछि इंग्ल्यान्डले सहज रूपमा लक्ष्य भेट्टायो।
भारतका लागि अर्शदीप सिंहले उत्कृष्ट बलिङ गर्दै ४ ओभरमा ४० रन खर्चेर ३ विकेट लिए। उनले पहिलो ओभरमै फिल साल्ट र कप्तान जोस बटलरलाई शून्यमै आउट गर्दै इंग्ल्यान्डलाई १ रनमै २ विकेटको संकटमा पुर्‍याएका थिए। तर त्यसको फाइदा भारतले उठाउन सकेन। हषिर्त राणा, अक्षर पटेल र वरुण चक्रवर्तीले समान १ विकेट लिए।

त्यसअघि टस जितेर ब्याटिङ रोजेको भारतले ७ विकेट गुमाएर १ सय ९० रन बनाएको थियो। अभिषेक शर्माले २४ बलमा ४३ रन, इशान किशनले ४९ र कप्तान श्रेयस अय्यरले ३७ रन जोडे । अन्तिमतिर तिलक वर्माले आक्रामक ब्याटिङ गरेर २४ रन गरेपछि टोलीलाई प्रतिस्पर्धात्मक योगफलसम्म पुर्‍याए।

भारतका लागि सबैभन्दा ठूलो आकर्षण १५ वर्षीय वैभव सूर्यवंशीको डेब्यु रह्यो। उनले भारतका लागि टि‌ ट्वान्टी अन्तर्राष्ट्रिय खेल्ने सबैभन्दा कम उमेरका खेलाडी बन्दै कीर्तिमान बनाए। उनले १० बलमा १४ रन बनाउने क्रममा  २ आकर्षक छक्का प्रहार गरे। तर ठूलो इनिङ्स खेल्न भने सफल भएनन्।

इंग्ल्यान्डका लागि साम करन सर्वाधिक सफल बलर बने। उनले ३ विकेट लिए भने अन्य जोफ्रा आर्चर, विल ज्याक्स‌ र लाइम डाएसले समान १ ले विकेट निकाल्दै भारतलाई २ सय  रन नजिक पुग्न दिएनन्। अब शृंखलाको तेस्रो तथा अन्तिम टि ट्वान्टी खेलपछि दुवै टोलीबीचको पए५ खेलको एकदिवसीय शृंखला सुरु हुनेछ।