बढ्यो नेप्से परिसूचक
काठमाडौं । साताको दोस्रो दिन शेयर मापन गर्ने नेप्से परिसूचकमा वृद्धि देखिएको छ । त्यस्तो परिसूचक २८.७३ अंकले बढ्न पुगेको हो ।
यस्तो बेलामा परिसूचक २६३९.३७ बिन्दुमा पुगेको देखिन्छ भने ३ सय ३५ कम्पनीको कारोबार भएको अवस्था छ । सोही कम्पनीहरुले १ करोड २४ लाख ५९ हजार ९५१ कित्ता सेयर ६ अर्ब ४७ करोड ३७ लाख ३६ हजार ९९ रुपैयाँमा कारोबार गरेका हुन्।
यता, त्यस्तो कारोबारमा सबै समूहको उपसूचकमा हरियाली छाएको बेलामा २ सय १४ कम्पनीको सेयर मूल्य बढेको तथा ३७ कम्पनीको घटेको हो।
सोमबारकै दिन कारोबारमा ६ वटा कम्पनीको मूल्यमा सकारात्मक सर्किट लागेको बेलामा नेप्सेमा त्यस्तो कम्पनी सागर डिस्ट्रिलरी, एसवाई प्यानल, श्रीनगर एग्रिटेक इन्डस्ट्रिज, बन्दीपुर केवलकार, रुरु जलविद्युत परियोजना र बाराही हाइड्रोपावर कम्पनी रहेको इंकित गरिएको छ।
सोही साताको दोस्रो दिन शेयर बजार बन्द हुँदा कारोबार रकमका आधारमा शिवम सिमेन्ट अग्रस्थान भएबो बेलामा कम्पनीको ३८ करोड ६९ लाख ५० हजार ३४७ रुपैयाँको सेयर कारोबार भएको छ ।
त्यसरी नै यता, दोस्रो र तेस्रो स्थानमा बन्दीपुर केवलकार तथा एसवाई प्यानल क्रमश रुपमा देखा परेका छन् ।
