नवनिर्वाचित नेपाल मर्चेन्ट बैंकर्स संघका पदाधिकारीहरु पुगे धितोपत्र बोर्ड
काठमाडौं । नेपालीहरुको महान चाड शुभ दिपावली, छठ पर्व तथा नेपाल सम्वत् ११४५ को पावन अवसरमा नवनिर्वाचित नेपाल मर्चेन्ट बैंकर्स संघको कार्यसमिति पदाधिकारीहरु द्वारा शुभकामना आदान प्रदान सम्पन्न भएको छ । आज नेपाल धितोपत्र बोर्डका अध्यक्ष महेश बराल समक्ष उनीहरुले शुभकामना आदानप्रदान गरेका हुन् ।
ललितपुर खुमलटार स्थित नेपाल धितोपत्र बोर्डको कार्यालयमा आयोजना गरिएको उक्त भेटघाट कार्यक्रममा नेपाल मर्चेन्ट बैंकर्स संघका नवनिर्वाचित अध्यक्ष रामेन्द्र रायमाझी, निवर्तमान अध्यक्ष विजय लाल श्रेष्ठ, उपाध्यक्ष मनिष नारायण जोशी, महासचिव निर्मल भट्टराई, कोषाध्यक्ष शिभान्त राज पाण्डे, सदस्यहरु सन्दिप कार्की, पुष्प शर्मा र लेखनाथ पोख्रेलको उपस्थिति रहेको थियोे ।
उक्त कार्यक्रममा नेपाल मर्चेन्ट बैंकर्स संघका नवनिर्वाचित अध्यक्ष रायमाझी लगायतका कार्य समिति सदस्यहरुले पूँजी बजारको समसामयिक विषय एवं सुधार सम्बन्धी विषयहरुमा अध्यक्षज्यूसंग विचार विमर्श गरेका थिए ।
साथै, नेपाल धितोपत्र बोर्डका अध्यक्ष बरालले शुभकामना आदान प्रदान गर्दै मर्चेन्ट बैंकर्सहरुसंग सहकार्य गर्दै अघि बढ्ने प्रतिबद्घता व्यक्त गरेका थिए
