नाडा अटोमोवाइल्स् एशोसिएशन अफ नेपालले हस्तान्तरण गर्यो राहात सामाग्री
काठमाडौं । नाडा अटो अटो मोवाइल एशोसिएशन अफ नेपालले राहात सामाग्री वितरण गरेको छ । हिजो आश्विन १२ गते नाडाबाट काठमाण्डौ उपत्यका प्रहरी कार्यालय रानीपोखरीका प्रमुख तथा अतिरिक्त प्रहरी महानिरिक्षक किरण बज्रचार्यलाई भेटगरी वाईवाई चाउचाउ ५० कार्टुन र जुस ८० कार्टुन हस्तान्तरण गरिएको हो ।
देशमा अनपेक्षित अविरल वर्षाको चपेटामा परेका नागरिकहरुलाई तत्काल राहातका लागि नाडाका अध्यक्ष करण चौधरीले सो राहत सामग्रीहरु हस्तान्तरण गरेका हुन् । उक्त कार्यक्रममा नाडाका उपाध्यक्ष राजन बाबु श्रेष्ठ र प्रहरी कार्यालयका तर्फबाट प्रहरी वरिष्ठ उपरिक्षक बिनोद घिमिरे समेतको उपस्थिति रहेको थियो ।
नाडाले विगतकाल देखि नै आफ्नो सामाजिक उत्तरदायित्व अन्तर्गत यस्ता राहत सामाग्रीहरु सम्बन्धित निकायहरुलाई वितरण गर्दै आएको छ ।
