१२ किलो चाँदीसहित नागढुंगाबाट बारा जिल्लाका बस सहचालक प्रक्राउ
काठमाडौं । नागढुंगाबाट सोमबार राति १२ किलोभन्दा बढी चाँदीसहित बसका सहचालकलाई प्रहरीले पक्राउ गरेको खबर छ ।
त्यसरी पक्राउ पर्नेहरूमा बा. प्र.–०१–००३ ख ३७०१ नम्बरको बसका सहचालक बाराको कलैया घर भएका ३२ वर्षीय अनिशकुमार सिंह छन् । प्रहरी प्रभाग नागढुंगाको टोलीले उनलाई सोमबार राति पौने १० बजेतिर नागढुंगाबाट पक्राउ गरेको जनाइएको हो ।
यता, वीरगञ्जबाट काठमाडौं आउँदै गरेको बसलाई जाँच गर्ने क्रममा १२ किलो १७६ ग्राम अवैध चाँदी बरामद भएपछि उनलाई पक्राउ गरिएको जिल्ला प्रहरी परिसर काठमाडौंका एसपी तथा प्रवक्ता अपील राज बोहराले बताए ।
साथै, बिल बिजक बिनाका चाँदीका गरगहना सहचालकले काठमाडौं ल्याएको खुलेको एसपी बोहराले बताएका हुन्।
