विद्युतीय गाडीको बीमा-दाबी लिन सकस,ग्राहक भन्छन् सर्भेयरले काट्यो, कम्पनी: हाम्रोमा होइन्
काठमाडौ । नेपाली बीमा क्षेत्रमा अर्को ठूलो समस्या देखिएको छ । त्यस्तो समस्या विद्युतीय गाडी (इभी) को (क्लेम) दाबी-भुक्तानी सम्बन्धि हो ।
ग्राहकहरुले आफूले पाउँनु पर्ने रकम माग गर्दा बीमा कम्पनीहरुले दिन आनाकानी गरेको गुनासो गरिरहेको बेलामा केही निर्जीवन बीमा कम्पनीका नयाँ सीईओलाई सो प्रश्न गर्दा चर्को स्वरले कराएको पाइएको हो ।
यद्यपी बीमा गर्ने व्यक्तीले आफ्नो भुक्तानी जसरी पनि पाउँनु पर्ने र लिएरै छाड्ने बताईरहेको बेलामा सो ग्राहकको सन्तुष्टिलाई मध्यनजर गर्ने भन्दा पनि सीईओहरु कुलेलाम ठोके जसरी भाग्न रुचाएको पाइएको हो ।
केही निर्जीवन बीमा कम्पनीका सीईओलाई जिज्ञासा मात्र राख्दा पनि उनीहरुले आफ्नो कम्पनीमा त्यस्तो नहुने दाबी गरेका छन् । यद्यपी घट्ना नेपाली बीमा कम्पनीकै हो ।
यता, ग्राहकले कम्पनीको नाम खुलासा गर्दा पाउँनु पर्ने रकम अझै काटिने हो कि ? भन्ने भय समेत प्रस्तुत गरेका छन् । तर, बीमा गरि सकेपछि आगामी दिनमा बीमितले पाउँनु पर्ने रकम फिर्ता नगरे, बीमितलाई सहज ढंगले नबुझाए वा सीईओलाई फोन उठाउन फुर्सत हुँदैन भन्नेसम्मका अभिव्यक्ती दिएमा बीमितको विश्वासले पक्कै पनि उचाई लिने अवस्था आउँदैन ।
कतिपय बीमितले आफ्नो दु:खकै साथ कमाएको रकम बीमा कम्पनीलाई आपतमा सुरक्षा पाइने हेतुले नै बुझाइएको तथ्यलाई नर्कान सकिन्न । यस्तो बेलामा बीमा कम्पनी, विद्युतीय गाडी संचालक तथा बीमितहरु एक ठाउँमा बसेर छलफल गर्ने र त्यसमा वास्तविकता के हो ? भन्ने बुझ्न जरुरी देखिएको छ ।
सर्सरती हेर्दा मात्रै पनि ग्राहकले इभीको बीमा गराएको र त्यसको भुक्तानी लिन हैरानी खेप्नु परेकोसम्म सूचना प्राप्त भएको अवस्था छ । सोही बेलामा निर्जीवन बीमा बजारको ट्रेण्ड, पछिल्लो प्राक्टिस र बजारको अवस्था बारे बुझ्न खोज्दा एक सीईओले हाम्रोमा होइन, हाम्रोमा त्यस्तो हुँदैन भन्दै केही चर्को स्वर गरेको अवस्था छ ।
सीईओलाई मिडीयाको जवाफ दिन फुर्सत नभएको र स-साना क्लेमको बारेमा आफूलाई जानकारी नहुँने बताएसँगै दाबी-भुक्तानी लिन जाने भुँई मान्छेमा पनि अझै बढी समस्या हुने सहजै आँलन गर्न सकिन्छ ।
गाडी ईभी होस कि पेट्रोलको बीमितको भुक्तानी नरोक्कियोस्, उसले पाउँने रकम एक रुपैयाँ पनि अनावश्यक रुपमा नकाटियोस् । त्यस्तो गर्न सकेमा बीमाको दायरा फराकिलो हुने र बीमितबाट अरु नागरिकमा सकारात्मक सन्देश जाने बुझ्न सकिन्छ ।
कम्पनीले भुक्तानी देओस्, बीमीतले पटक पटक हैरानि खेप्न नपरोस् । यसमा नियामकले समेत फेयर जजमेन्ट गर्न सफल होस्, साथै, भुक्तानी माग्न प्रहरी वा अन्य अनावश्यक रुपमा बीमा बाहेकका संस्थामा फोन गर्नु पर्ने परिपाटीको समेत अन्त्य होस् ।
बीमाशुल्कको नाफामा कम्पनी मोटाएको बेलामा सीईओको चर्को स्वरले बीमा बजार हाँक्ने दाउँबाट बीमित मारमा त पर्छन् पर्छन् तर उनीहरुको बीमा प्रतिको विश्वास कहाँ पुग्छ ? सम्बन्धित कम्पनीले आफूलाई सधैं एक सर्वसाधारणको स्थानमा राखेर भुक्तानी दिने परिपाटी कायम गरोस् । सोही माग आज एक बीमितले गरेका हुन् ।
