एभर्टनको विजयी सुरुवात
काठमाडौं । एभर्टनले नयाँ प्रिमियर लिग सिजनको सुरुवात जितेको साथ गरेको छ। हिल डिकिन्सन स्टेडियममा एभर्टनले क्रिस्टल प्यालेसलाई २–० ले हरायो।
एभर्टनको जितमा किर्नान ड्युजबरी हल र थियर्नो बारीले गोल गरे। पहिलो हाफको अन्त्यतिर ड्युजबरी–हलले उत्कृष्ट गोल गरे। दोस्रो हाफ सुरु भएको ८ मिनेटमा बारीले डिन हेन्डरसनलाई बिट गर्दै हेडरमार्फत गोल गरेपछि एभर्टनले अग्रता २-० मा पुर्यायो।
नयाँ प्रशिक्षक पिएर साजको नेतृत्वमा पहिलो प्रतिस्पर्धात्मक खेल खेलेको प्यालेसले पहिलो हाफमा गोल गर्ने केही राम्रो अवसर पाएको थियो। एडी एनकेतिया र जाँ फिलिप माटेटाका प्रहार पोस्टमा लागेपछि प्यालेस अग्रता लिनबाट चुकेको थियो।
