सेयर बजार राताम्य, कारोबार ४ अर्ब ६६ करोड माथि
काठमाडौं । साताको सेयर कारोबार हुने दोस्रो दिन नेप्से परिसूचक उच्च अंकले घटेर कारोबार भएको छ । अघिल्लो दिन बढेको बजार आज ३९.४४ अंकले घटेर २७४४.४० विन्दुमा पुगेको हो ।
आज सेयर बजार १.४१ प्रतिशतले घटेको छ । आज सेयर बजारमा २५१ कम्पनीको सेयर मूल्य घटेको छ । आज १३ कम्पनीको सेयर मूल्य बढेको छ भने ५ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि ५.१५ अंकले घटेर ४६८.२६ विन्दुमा पुगेको छ । आज १३ उपसूचकमध्ये १२ वटाको मूल्य घटेको छ भने एउटाको बढेको छ ।
परिसूचक घटेको दिन सेयर बजारमा ४ अर्ब ६६ करोड माथिको कारोबार भएको छ । आज ३३८ कम्पनीका १ करोड ६ लाख ७८ हजार ५५० कित्ता सेयर ६२ हजार ५१२ पटक खरिद बिक्री हुँदा ४ अर्ब ६६ करोड ५० लाख २० हजार ६७७ रुपैयाँको कारोबार भएको छ । आज सेयर बजारमा एक कम्पनीको सेयर मूल्यमा सकारात्मक सर्किट लागेर कारोबार भएको छ ।
