कुमारी बैंकको ३ हजार बढी कित्ता संस्थापक सेयर बिक्रीमा
काठमाडौं । कुमारी बैंक लिमिटेडले संस्थापक सेयर बिक्रीमा राखेको छ । कम्पनीले संस्थापक सेयरधनीको नाममा रहेको ३ हजार ४१ कित्ता सेयर बिक्रीमा राखेको हो ।
उक्त सेयरमा हाल बैंकका विद्यमान संस्थापक सेयरधनीहरुले मात्रै आवेदन दिन पाउने छन् । उक्त सेयर खरीद गर्न इच्छुक विद्यमान संस्थापक सेयरधनीहरूले लाई ३५ दिन भित्र आवेदन दिनु पर्ने छ । उक्त सेयर खरीद गर्न इच्छुक बैंकका विद्यमान संस्थापक सेयरधनीले आगामी ३५ दिन भित्र काठमाडौंको नक्सालस्थित कुमारी क्यापिटल लिमिटेड (बैंकको सेयर रजिष्ट्रार) वा टंगालस्थित बैंकको प्रधान कार्यालयमा आवेदन दिनु पर्नेछ । सेयरको बिक्री मूल्य बिक्रेताले तोके बमोजिम हुने बैंकले जनाएको छ ।
तोकिएको समयसीमा भित्र विद्यमान संस्थापक सेयरधनीहरूबाट सो सेयर खरीदका लागि आवेदन नपरेको खण्डमा संस्थापकभन्दा बाहिर अर्थात सर्वसाधारणलाई सेयर बिक्रीको प्रक्रिया अघि बढाइने पनि बैंकले स्पष्ट पारेको छ ।
