सेयर बजारमा करिब ९ अंकको वृद्धि, कारोबार ११ अर्ब माथि
काठमाडौं । साताको सेयर कारोबार हुने अन्तिम दिन नेप्से परिसूचक बढेर बन्द भएको छ । आज नेप्से परिसूचक ८.९७ अंकले बढेर २६७१.०७ विन्दुमा पुगेको हो ।
आज सेयर बजारमा १३९ कम्पनीको सेयर मूल्य बढेको छ भने ११५ कम्पनीको सेयर मूल्य घटेको छ । त्यस्तै आज ६ कम्पनीको सेयर मूल्य स्थिर रहेको छ । आज सेन्सेटिभ इन्डेक्स पनि १.५१ अंकले बढेर ४५६.७२ विन्दुमा पुगेको छ । आज १३ उपसूचकमध्ये ८ वटाको सेयर मूल्य बढेको छ भने ५ वटको घटेको छ ।
परिसूचक बढेको दिन आज सेयर बजारमा ११ अर्ब माथिको कारोबार भएको छ । सेयर बजारमा आज ३३७ कम्पनीका २ करोड ७७ लाख ८० हजार ५८४ कित्ता सेयर १ लाख ६ हजार १८ पटक खरिद बिक्री हुँदा ११ अर्ब १० करोड २५ लाख ५० हजार ९६६ रुपैयाँको कारोबार भएको छ । आज सेयर बजारमा एउटा कम्पनीमा सकारात्मक सर्किट लागेको छ ।
