यस्ता ८ गुणहरू जसले एउटा बीमा एजेन्टलाई बनाउछ अब्बल

बीमा पोलिसि बेच्नको लागि राम्रो ग्राहक सेवा, सीप, उच्च ऊर्जा, र अन्य कुराहरूका साथै बीमा पोलिसीहरूको ज्ञान आवश्यक पर्दछ । एक बीमा एजेन्टको रूपमा, तपाईं स्वतन्त्र रूपमा काम गर्न सक्नुहुन्छ र ठूलो कमिसन कमाउन सक्नुहुन्छ तर यो सजिलो काम भने पक्कै होइन । एउटा बीमा एजेन्टको रुपमा तपाईले धेरै अस्वीकृति, तनाव र निराशा भोग्नु पर्ने हुन सक्छ । तर यदि तपाईंसँग तलका मुख्य गुणहरू छन् भने, तपाईं आफ्नो करिअरमा सफल हुन सक्नुहुन्छ । हालसालै जनवरी २०, २०२५ मा मात्र २४ घन्टामा ५ लाख भन्दा बढी पोलिसी बेचेर विश्व किर्तिमान राख्न सफल एलआइसीले पनि एजेन्टको गुणलाइ आफ्नो सफलताको जड सूत्र स्वीकार गरेको छ । त्यसैले कुनै पनि बीमा कम्पनिलाइ सबल बनाउन बीमा एजेन्टको ठूलो हात रहेको हुन्छ । यस लेखमा बीमा दर्पणले विभिन्न स्रोतबाट एउटा राम्रो बीमा एजेन्टमा हुनुपर्ने असल ८ गुणहरुको चर्चा गरेको छ ।

१) ग्राहकको आवश्यकतालाई प्राथमिकतामा राख्ने
ग्राहकको आवश्यकतालाई ध्यान नदिई कमिसन कमाउन मात्र लाग्ने एजेन्ट व्यवसायमा लामो समयसम्म टिक्ने सम्भावना हुँदैन । त्यसैले आफ्ना ग्राहक र सम्भावित व्यक्तिहरूले भनेको कुरा ध्यानपूर्वक सुन्ने एजेन्ट र दलालहरूले उनीहरूको विश्वास जित्न सक्षम हुनेछन् जुन उनीहरूको कामको सबैभन्दा कठिन भाग हो ।
सफल बीमा एजेन्ट कसरी बन्ने भनेर सिक्दै गर्दा यो जान्नु महत्त्वपूर्ण छ कि जसले कम कमिसन आउने बीमा पोलिसिहरू आफ्ना ग्राहकहरूलाई बेच्ने क्षमता राख्छ उसले नै ग्राहकहरूलाई टिकाइराख्ने सम्भावना धेरै हुन्छ ।

२) राम्रो ग्राहक सेवा
आवश्यकता पर्दा आफ्ना एजेन्टहरूलाई सजिलै सम्पर्क गर्न सक्ने ग्राहकहरू खुसी र आश्वस्त रहने सम्भावना धेरै हुन्छ । एक असल एजेन्ट बन्न बीमित र अन्य ग्राहकले गर्ने सोधपुछ र फोन कलहरूको समयमै जवाफ दिनु आवश्यक हुन्छ । जसको अर्थ तपाईंले आफूले गर्ने भनेको कुरा गर्न सक्षम हुनुपर्छ । सरल भाषामा भन्नुपर्दा, आवश्यक पर्दा ग्राहकहरू समक्ष्य जति सक्दो चाडो हुनसक्छ उपलब्ध हुनुहोस् र आफ्नो ग्राहकको समस्यालाई हल गर्नुहोस् ।

३) भावनात्मक बुद्धिमत्ता
भावनात्मक बुद्धिमत्ता अथवा इमोसनल इन्टीलिजेन्स भनेको ग्राहकहरूलाई के चाहिन्छ र के आवश्यक छ भनेर बुझ्नको लागि ध्यान दिएर सुन्ने र सहानुभूति देखाउने क्षमता हो । एक असल एजेन्ट कुशल त हुन्छ नै तथा ग्राहकलाई बीमा कम्पनिको वित्तीय अवश्था स्पष्ट रूपमा कसरी बुझाउने भनेर ज्ञान राख्दछ ।
आफ्ना भावनाहरूप्रति सचेत हुनुले तपाईंलाई एजेन्टको रूपमा अझ सफल बन्न मद्दत गर्न सक्छ । यसले तपाईंलाई आफ्नो तनाव व्यवस्थापन गर्न र आफ्ना ग्राहकहरूसँग बलियो सम्बन्ध स्थापित गर्न मद्दत गर्न सक्छ।

४) उच्च ऊर्जा स्तर
एक असल बीमा एजेन्टको सबैभन्दा महत्त्वपूर्ण विशेषता भनेको उनीहरू सधैं व्यस्त देखिन्छन् । थकित वा उदास स्वभावले ग्राहकहरूलाई तुरुन्तै असर पार्छ र उनीहरूलाई केहि पनि किन्नबाट निरुत्साहित गर्छ । तपाईमा हुने ऊर्जा स्तरले देखाउँछ कि तपाईं सम्बन्ध निर्माण गर्न इच्छुक हुनुहुन्छ र तपाईं उनीहरूको व्यवसायको बारेमा उत्साहित हुनुहुन्छ ।
राम्रो स्वभाव हुनुले तपाईं ग्राहकको लागी धेरै भन्दा धेरै गर्न इच्छुक हुनुहुन्छ भन्ने कुरा पनि देखाउँछ । यसले तपाईंलाई अस्वीकृतिको सामना गर्नुपर्दा पनि फलोअप गर्न प्रोत्साहित गर्छ ।

५) दृढता
यो सायद कुनै पनि असल बीमा एजेन्टको सबैभन्दा महत्त्वपूर्ण गुण हो । यस क्षेत्रमा काम गर्नेहरूले आफ्नो करिअरमा हरेक दिन अस्वीकृतिको सामना मुस्कानका साथ गर्न सक्षम हुनुपर्छ । असल बीमा एजेन्टहरूले बुझ्छन् कि प्रत्येक अस्वीकृतिले उनीहरूलाई पोलिसीको लागि साइन अप गर्ने व्यक्तिको नजिक मात्र ल्याउँछ ।

६) इमानदारी
व्यवसाय बन्द गर्न छलबाटो प्रयोग गर्ने बीमा एजेन्टहरू विरलै एउटै कम्पनीमा धेरै लामो समयसम्म बस्छन् । त्यस्ता एजेन्टहरू केही अवस्थामा जेल जान पनि बेर लगाउदैनन् । एक असल एजेन्टलाई पहिले नै थाहा हुुन्छ कि सत्य बोल्दा ग्राहकहरूको सम्मान र विश्वास जित्न सकिन्छ र समयसँगै व्यवसायमा राम्रो सम्भावना हुन्छ ।

७) उत्पादन ज्ञान
एउटा पुरानो भनाइ छ नि “यदि तपाईंले हथौडा मात्र प्रयोग गर्नुभयो भने, संसारमा सबै कुरा किला जस्तै देखिन्छ ।” एक राम्रो बीमा एजेन्टले ग्राहकको कुनै पनि उचित आवश्यकता पूरा गर्न सक्ने पोलिसि र सेवाहरूको विस्तृत विकल्प प्रदान गर्न सक्षम हुन्छ ।

८) प्राविधिक ज्ञान
एक असल बीमा एजेन्टलाई पोलिसी कसरी बेच्ने भन्ने मात्र थाहा हुँदैन । एजेन्टले आफूले बेच्ने पोलिसीहरूको कर र कानुनी पक्षहरू अनि कमजोर अथवा बलियो वित्तीय अवस्था भएका ग्राहकमा फिट हुने गरी डिजाइन गरिएको पोलिसि पनि छ है भन्ने कुरा बुझ्नुपर्छ र बुझाउनु पर्छ । एउटा बीमा एजेन्टले आफूले काम गरिरहेको बीमा कम्पनीको वित्तीय विवरणहरू लगायत त्यसले दिने प्रतिफल अथवा बोनस बारे ग्राहकलाई राम्रोसँग बुझाउने क्षमता राख्नुपर्दछ ।