साउनमा श्वेत–गंगा हाइड्रोको लकइन अवधि समाप्त हुने
काठमाडौं । श्वेत–गंगा हाइड्रो एण्ड कन्स्ट्रक्सन लिमिटेडको लकइन अवधि आउने साउन १७ गते समाप्त हुने जनाइएको छ । सोही कम्पनीको ९६ लाख कित्ता बढी सेयरको लकइन अवधि सकिने लागेको हो ।
कम्पनीको संस्थापकले धारण गरेको ७३ लाख कित्ता , आयोजना प्रभावित स्थानीयको नाममा रहेको १५ लाख ९३ हजार कित्ता र कम्पनीका कर्मचारीसँग रहेको ७ लाख ९६ हजार ५ सय कित्ता गरि कुल ९६ लाख ८९ हजार ५ सय कित्ता सेयरको लकइन अवधि खुल्न लागेको हो ।
सार्वजनिक निष्काशन गरि सेयर बाँडफांड गरेको ३ वर्षसम्म कम्पनीको संस्थापक, र कम्पनीका कर्मचारीले शेयर बिक्री गर्न नपाइने गरि लकइनमा राख्नु पर्ने व्यवस्था छ । लकइन अवधि खुलेपछि भने संस्थापक, र कर्मचारीले ति शेयर बिक्री गर्न सक्ने छन् । कम्पनीका संचालकले भने शेयर बिक्री गर्न पाउने छैनन् ।
