दक्षिण अफ्रिकाका राजदूत प्राध्यापक अनिल सुकललालले भेटे नेपालका राष्ट्रपति पौडेल
काठमाडौं । नेपालका राष्ट्रपति रामचन्द्र पौडेल समक्ष दक्षिण अफ्रिकाका राजदूत प्राध्यापक अनिल सुकललालले राष्ट्रपति भवन शीतलनिवास, काठमाडौंमा आफ्नो ओहोदाको प्रमाणपत्र पेश गरेका छन्। सोही ओहोदाको प्रमाणपत्र समारोहमा प्राध्यापक सुकललालले दक्षिण अफ्रिकाका राष्ट्रपतिबाट शुभकामना र बधाई सन्देश व्यक्त गरेका हुन्।
उक्त समारोहमा नेपालका लागि दक्षिण अफ्रिकाका माननीय कन्सल्ट प्रदीपकुमार श्रेष्ठ, दक्षिण अफ्रिकी कूटनीतिक नियोगका प्रथम सचिव पिटर लगायतका विशिष्ट व्यक्तिहरुको उपस्थिति रहेको थियो। यस घटनाले दुई राष्ट्रबीचको बढ्दो कूटनीतिक संलग्नतालाई उजागर गरेको जनाइएको छ।
