प्रभु महालक्ष्मी लाइफ इन्स्योरेन्सका आर्यन खान एमडीआरटी २०२६ का लागि छनाेट
प्रभु महालक्ष्मी लाइफ इन्स्योरेन्सका चीफ एजेन्सी म्यानेजर तथा प्रेसिडेन्स क्लब सदस्य आर्यन खानले अन्तर्राष्ट्रिय स्तरको अत्यन्त प्रतिष्ठित मिलियन डलर राउन्ड टेबल एमडीआरटीको २०२६ का लागि छनाेट भएका छन्। यो उपाधि उनले पाँचौँ पटक लगातार हासिल गरेका हुन ;भने प्रभु महालक्ष्मी लाइफ इन्स्योरेन्सका पहिलो एमडीआरटी २०२६ का लागि याेग्य बन्नुभएको छ।आर्यन खानले गत वर्ष (२०२५) मा विश्वप्रसिद्ध एमडीआरटी संस्थाको माथिल्लो तह COT (Court of the Table) सम्म याेग्य भइसक्नु भएकाे थियाे ।
MDRT विश्वभरका जीवन बीमा तथा वित्तीय सेवा क्षेत्रका उत्कृष्ट पेशेवरहरूको संगठन हो, जसले उच्चतम स्तरको व्यावसायिकता, निष्ठा र सेवाप्रति समर्पणको पहिचान दिन्छ। आर्यन खानको निरन्तर प्रतिबद्धता, नेतृत्व क्षमता र ग्राहकप्रति समर्पित सेवा भावनाले उहाँलाई बीमा क्षेत्रको एक अग्रणी व्यक्तित्वको रूपमा स्थापित गरेको छ।
उहाँले आफ्नो उपलब्धिबारे भन्नुभयो: “यो सफलता मेरो मात्र होइन – यो मेरो ग्राहकहरू(बीमितहरू), मेरो टिम र हामीले अङ्गालेको विश्वासको उपलब्धि हो। हरेक पॉेलिसीसँगै हामी केवल बीमा मात्र गर्दै छैनौं, भविष्य बनाउँदैछौं।”
प्रभु महालक्ष्मी लाइफ इन्स्योरेन्सले आर्यन खानको यो ऐतिहासिक सफलतामा सधै साथ रहने र हाैसला प्रदान गर्ने जनाएकाे छ । गत वर्ष 2025 मा COT (Court of the Table) हासिल गरिसक्नु भएका खानलाई अब उहाँको लक्ष्य TOT (Top Of The Table) प्राप्त गर्नु रहेको छ, जसतर्फ उहाँ दृढ आत्मविश्वासका साथ अग्रसर हुनुहुन्छ। आर्यन खान आजको पुस्ताका लागि मात्र होइन, भविष्यका बीमा व्यवसायीहरूका लागि पनि एक प्रेरणाका स्रोत एवं उदहारणीय ब्यक्ति बन्नु भएको छ।
