अन्तर्राष्ट्रिय बीमा बजारमा आफ्नो स्तर जाँच्ने यस्ता छन् पुनर्बीमाका मुख्य मापदण्ड
काठमाडौं । बीमाको अवधारणा नै धेरै जनाबाट उठाएर दु:खमा परेका केही व्यक्तीलाई मोटो रकम सहयोग गर्न सकियोस् भन्ने हो । यता त्यस्ता कम्पनी पनि जोखिममा पर्ने सम्भावना उत्तिकै हुन्छ सोही कारण पुनर्बीमा कम्पनीहरुको आवश्यकता महशुस गर्ने गरिएको छ । बीमा कम्पनीहरुको व्याकअपको रुपमा बस्ने पुनर्बीमा कम्पनीहरूले बीमा कम्पनीहरूका जोखिमलाई व्यवस्थापनमा मद्दत गर्दछन्। यसले बीमा कम्पनीहरूलाई ठूला दावीहरूको जोखिम कम गर्न र वित्तीय स्थिरता कायम राख्न सहयोग गर्दछ। साथै, त्यस्ता कम्पनीबाट बीमा कम्पनीहरूलाई नयाँ बजारहरूमा प्रवेश गर्न र ठूला परियोजनाहरूलाई बीमा गर्न सक्षम बनाउँने जानकारहरु बताउछन्।
त्यस्तै, पुनर्बीमाले बीमा कम्पनीहरूलाई अप्रत्याशित घटनाहरूबाट जोगाउँछ। यसले गर्दा बीमा कम्पनीहरूले आफ्ना ग्राहकहरूलाई समयमै र सहज रूपमा दावी भुक्तानी गर्न सक्छन्। यसले बीमा उद्योगमा विश्वास बढाउँने र आर्थिक विकासमा योगदान दिने गर्छ।
पुनर्बीमा कम्पनीहरूले बीमा कम्पनीहरूलाई प्राविधिक ज्ञान र विशेषज्ञता पनि प्रदान गर्दै बीमा कम्पनीहरूलाई जोखिम मूल्याङ्कन गर्न, नयाँ बीमा योजनाहरू विकास गर्न र दावी व्यवस्थापन गर्न मद्दत गर्दछ। यसले बीमा उद्योगको दक्षता र प्रभावकारिता बढाउँछ।
अन्तर्राष्ट्रिय बीमा बजारमा आफ्नो स्तर जाँच्ने यस्ता छन् पुनर्बीमाका मुख्य मापदण्ड
क्रेडिट रेटिङ
कम्पनीको वित्तीय स्वास्थ्य र दायित्व तिर्ने क्षमताको मूल्याङ्कनालाई निकै ठूलो महत्व दिने गरिएको छ।
वित्तीय स्थिरता
कुनै पनि बीमा कम्पनीको आर्थिक अवस्था र बलियोपना मापन गर्ने गरिन्छ।
बजार साझेदारी
बीमा बजारमा कम्पनीको उपस्थिति र प्रभावको पनि ठूला भूमिका हुने गर्छ।
विविधता
पुनर्बीमा कम्पनीले प्रदान गर्ने बीमा योजनाहरूको दायराका बारेमा पनि चर्चा हुने गर्छ।
नवप्रवर्तन
नयाँ प्रविधि र विधिहरू प्रयोग गर्ने क्षमताले पनि यसको विभिन्न सबल पक्षको व्याख्या गर्ने गरेको पाइन्छ।
प्राविधिक क्षमता
जोखिम मूल्याङ्कन र व्यवस्थापनमा विशेषज्ञताको पनि ठूलो महत्व छ।
दावी व्यवस्थापन
दावीहरूलाई कुशलतापूर्वक र छिटो प्रशोधन गर्ने क्षमता कम्पनीले अपनाउनु पर्छ।
ग्राहक सेवा
ग्राहकहरूलाई प्रदान गरिने सेवाको गुणस्तर बीमा कम्पनीको विश्वास टिकाउने आधार समेत हो।
नियामक अनुपालन
कानुनी नियमहरूको पालना गर्दै नियामकसँगको साझेदारी निकै महत्वपूर्ण मानिन्छ।
सामाजिक उत्तरदायित्व
समाज र वातावरणप्रति कम्पनीको प्रतिबद्धताले विदेशी कम्पनीहरुमा ठूलो महत्व र चर्चाको वातावरण सिर्जजना गर्ने गर्छ।
हाल नेपाली बीमा बजारमा भने मुख्य प्यारमिटरको ठूलो रहर र इच्छा भएको तर नेपाली पुनर्बीमा कम्पनीहरु अन्तर्राष्ट्रिय स्तरमा बामे सर्दै गरेको देखिन्छ । नियामकीय प्रावधान दुई पुनर्बीमा कम्पनीहरु बिचको हार्दिकता र ठूला जोखिम व्यवस्थापन गर्न सबै कम्पनीहरु एक ठाउँमा उभिएर बीमा बजारको माग अनुसारको प्रोडक्ट ल्याएमा केही हदसम्म भए भनि अन्तर्राष्ट्रिय स्तरका पुनर्बीमा र सरल व्यावसायी व्यवस्थापन केही विकास हुने देखिन्छ ।
