सप्तकोशी विकास बैंकको २२ हजार कित्ता संस्थापक सेयर बिक्रीमा
काठमाडौं । सप्तकोशी डेभलपमेन्ट बैंक लिमिटेडले संस्थापक समूहको २२ हजार ८६० कित्ता सेयर बिक्रीमा राखेको छ । बैंकले हाल बैंककै विद्यमान संस्थापक सेयरधनीहरूले मात्रै किन्न पाउने गरी सेयर बिक्रीमा राखेको हो ।
बिक्रीमा राखिएको सेयरमध्ये संस्थापक सेयरधनी अन्जु चापागाई ढकालको स्वामित्वको १० हजार ६५९ कित्ता, ललित उपाध्याय बास्कोटाको स्वामित्वको १० हजार ९८२ कित्ता र चन्द्रकान्त भट्टराईको स्वामित्वको १ हजार २१९ कित्ता सेयर रहेको छ ।
यो सेयर खरिद गर्न इच्छुक संस्थापकले माघ ३० गते कार्यालय सयमभित्र बैंकको कर्पाेरेट कार्यालय, विराटनगर, मोरङमा निवेदन दिनु पर्नेछ । साथै उक्त म्यादभित्र संस्थापकबाट शेयर खरिद नभएमा बाँकी वा सम्पूर्ण शेयर सर्वसाधारणमा बिक्री खुला गरिने बैंकले जनाएको छ ।
