नेपाल राष्ट्र बैंकले घर जग्गा कर्जा १.७ गुणले बढेको जनाएको छ ।
काठमाडौं । नेपाल राष्ट्र बैंकले घर जग्गा कर्जा १.७ गुणले बढेको जनाएको छ । राष्ट्र बैंकले विगत ५ वर्षमा घर जग्गा कर्जा १.७ गुणाले बढेको हो ।
केन्द्रीय बैंकका अनुसार घर जग्गा कर्जा १ खर्ब ६०.३६ अर्ब रुपैयाँबाट बढेर २ खर्ब ७५.९६ अर्ब रुपैयाँ पुगेको छ । यद्यपि वृद्धि प्रवृत्ति सहज भएको छैन । राष्ट्र बैंकले सोमबार ‘रियल स्टेट कारोबारको वर्तमान अवस्था तथा प्रवत्तिसम्बन्धी तथ्यांक’ प्रतिवेदन प्रकाशन गर्दै उक्त कुरा बताएको हो । प्रतिवेदन अनुरुप २०७८÷७९ को पहिलो त्रैमासिकमा घरजग्गा कर्जामा वार्षिक वृद्धि २४.५ प्रतिशत पुगेको थियो । विगत चार आर्थिक वर्षहरूमा, घरजग्गा कर्जाको औसत त्रैमासिक वृद्धि दर त्रैमासिक आधारमा २.७० प्रतिशत र वार्षिक आधारमा १२.४८ प्रतिशत रहेको छ ।
२०८१/८२ को चौथो त्रैमासिकमा रेकर्ड गरिएको वृद्धि औसतभन्दा कम थियो, जसले घरजग्गा ऋणको मागमा कमी आएको संकेत गर्दछ । वाणिज्य बैंक, विकास बैंक र फाइनान्सहरुले घर जग्गा कर्जा वितरण गर्दै आएको छ । ती संस्थाहरुले न्यूनतम २० लाख देखि कर्जा वितरण गर्दै आएको छ ।
