सुनचाँदीको मूल्य बढ्यो, तोलाको कति ? 

काठमाडौं । नेपाली बजारमा आज सुनको मूल्य बढेको छ । आज सुनको मूल्य तोलामा ३ हजार ५०० रुपैयाँले बढेको हो ।

नेपाल सुनचाँदी ब्यवसायी महासंघका अनुसार आज सुन प्रतितोला ३ लाख १६ हजार ९०० रुपैयाँमा कारोबार भइरहेको हो । फागुन २२ गते सुनको मूल्य ३ लाख १३ हजार ४०० रुपैयाँ रहेको थियो ।

त्यस्तै चाँदीको मूल्य पनि तोलामा ३० रुपैयाँले बढेर प्रतितोला ५ हजार ४७५ रुपैयाँ पुगेको छ । गत शुक्रबार चाँदीको मूल्य ५ हजार ४४५ रुपैयाँ रहेको थियो ।