‘वेब समिट कतार २०२६’ मा एकमात्र नेपाली कम्पनी टिङटिङः विश्वमञ्चमा नेपालको प्रविधि शक्ति प्रदर्शन गर्दै
काठमाडौं । विश्वकै सबैभन्दा प्रभावशाली प्रविधि सम्मेलन ’वेब समिट कतार २०२६’ (Web Summit Qatar २०२६) मा सहभागिता जनाउँदै नेपाली एआई कम्पनी टिङ टिङ (Ting Ting) ले एक ऐतिहासिक सफलता हाँसिल गरेको छ । कतारको दोहामा, फेब्रुअरी ४ मा सम्पन्न भएको चार दिने उक्त सम्मेलनमा टिङ टिङ नेपालको एकमात्र प्रतिनिधित्व गर्ने स्टार्टअपको रूपमा सहभागी भएको थियो ।
वेब समिट विश्वभरका प्रविधि विशेषज्ञ र लगानीकर्ताहरूको सबैभन्दा ठूलो मञ्च हो, जहाँ सहभागी हुन हजारौँ वैश्विक कम्पनीहरूबीच कडा प्रतिस्पर्धा हुने गर्दछ । १२० देशका १,६०० भन्दा बढी स्टार्टअपहरू सहभागी भएको यस सम्मेलनमा टिङ टिङको छनोट हुनु आफैँमा एक ठूलो उपलब्धि थियो । नेपालमै निर्मित आफ्नै ’रिरी’ (Riri) इन्जिन र स्थानीय भाषालाई बुझ्ने अत्याधुनिक प्रणालीका कारण टिङ टिङले यस मञ्चमा आफ्नो स्थान सुरक्षित गरेको हो।
“नेपालमा निर्मित, विश्वका लागि “ (Made in Nepal for the world) भन्ने मूल मन्त्र बोकेको टिङ टिङले विश्वमञ्चमा पुग्नुअघि स्वदेशी बजारमै आफूलाई प्रमाणित गरिसकेको छ । नेपालका ठूला बैंक, इन्टरनेट सेवा प्रदायक र सरकारी निकायहरूको सञ्चार प्रणालीलाई सफल व्यवस्थापन गर्दै ’ब्याटल टेस्टेड’ (Battle–tested) भइसकेको यो प्रविधि अब विश्वबजारमा विस्तार हुने क्रममा छ ।
सम्मेलनको एक महत्वपूर्ण पक्षको रूपमा रहेको ’स्टार्टअप शोकेस’ (Startup Showcase) मा टिङ टिङको तर्फबाट डाइरेक्टर अफ इन्जिनियरिङ, एन्जेलिका साहले आफ्नो प्रस्तुति दिएका थिए। विश्वका प्रभावशाली लगानीकर्ता र प्रविधि विशेषज्ञहरूका सामु दिइएको उक्त प्रस्तुतिमा एन्जेलिकाले नेपालमा विकसित एआई प्रविधिले कसरी ठूला संस्थाहरूलाई आफ्ना ग्राहकका कुराहरू गहिराइमा बुझ्न मद्दत गरिरहेको छ भन्ने कुरा प्रष्ट पारेका थिए । सम्मेलनका क्रममा टिङ टिङको टोलीले विभिन्न अन्तर्राष्ट्रिय लगानीकर्ता र प्रविधि क्षेत्रका दिग्गजहरूसँग अर्थपूर्ण संवाद र नयाँ साझेदारीका लागि महत्वपूर्ण छलफलहरू समेत गरेको छन् ।
टिङ टिङका यो प्रमुख कोशेढुङ्गाले नेपाल अब प्रविधिको उपभोक्ता मात्र नभई विश्वव्यापी स्तरमा प्रतिस्पर्धा गर्न सक्ने उत्पादकको रूपमा पनि उदाइरहेको सन्देश दिएको छ । काठमाडौंबाट सुरु भएको यो यात्रा विश्वको भव्य चरणमा पुगेको छ, जसले हाल अन्य अन्तर्राष्ट्रिय भाषाहरूतर्फ पनि कसरी गहन रूपमा काम गरिरहेको छ भन्ने कुरा देखाउँछ । यस सहभागिताले नेपाली स्टार्टअप इकोसिस्टमका लागि अन्तर्राष्ट्रिय लगानी र विश्वव्यापी साझेदारीको नयाँ बाटो खोलेको विश्वास गरिएको छ । नेपालमा बनेको प्रविधिले पनि विश्वका ठूला समस्याहरू समाधान गर्न सक्छ भन्ने कुरा टिङ टिङले यस समिटमार्फत विश्वलाई देखाएको छ ।
टिङ टिङबारेः
टिङ टिङ एउटा एआई–पावर बिजनेस कम्युनिकेसन सुइट हो जसले संस्थाहरूलाई स्केलमा बुझाइ निर्माण गर्न मद्दत गर्दछ । यो भ्वाइस वा टेक्स्ट, इनबाउन्ड वा आउटबाउन्ड, टेलिफोन वा सामाजिक सञ्जाल, सबैलाई एउटै इन्टेलिजेन्ट प्रणालीमा एकीकृत गर्दछ । नेपालमै निर्मित आफ्नै इन्जिन ’रिरी’ मार्फत टिङ टिङले व्यवसायहरूलाई नेपाली जस्ता स्थानीय भाषाहरूमा हजारौँ संवादहरू एकैसाथ व्यवस्थापन गर्न सक्षम बनाउँछ । हामी संगठनहरूलाई राम्रो सञ्चार गर्न मात्र होइन, आफ्ना ग्राहकहरूलाई गहिरो रूपमा बुझ्न, छिटो प्रतिक्रिया दिन र हरेक च्यानलमा स्मार्ट तरिकाले स्केल गर्न मद्दत गरिरहेका छौँ ।
